Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Авторы
• Карта сайта
• RSS-рассылка
• Новые статьи
• Фильмы
• 3D-экскурсия

• Это наша вера
• Каноны Церкви
• Догматика
• Благочестие

• Апологетика
• Наши святые
• Библиотека
• Миссия

• Молитвослов
• Акафисты
• Календарь
• Праздники

• О посте

• Мы - русские!
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Католичество
• Протестантизм
• Лжеверие

• Секты
• Оккультизм
• Психокульты

• Лженаука
• Веганство
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о
помощи нашему
проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные каноны / Канон мученицам Вере, Надежде, Любови и матери их Софие


Православные каноны

Канон мученицам Вере, Надежде, Любови и матери их Софие

Память: 17 / 30 сентября

Мученицы Вера, Надежда, Любовь и София. Икона, XV века.  Ризница Троице - Сергиевой Лавры

 

Мученицы Вера, Надежда, Любовь и София. Икона, XV века.  Ризница Троице - Сергиевой Лавры

Глас 1

Песнь 1

Ирмос: Твоя победительная десница Боголепно в крепости прославися. Та бо, Безсмертне, яко всемогущая, противныя сотре, израильтяном путь глубины новосоделавшая.

Припев: Святыя мученицы Веро, Надеждо и Любы, Софие, молите Бога о нас.

Премирныя Твоея, Христе, и несказанныя премудрости осияние даруй мне, Владыко, благолепныя и благославныя Твоея мученицы, яко да воспою Софиина прозябения. Нарицание Твое яве жительством, Богомудрая, украсися: всю бо проводила еси жизнь твою премудрости желанием, славная Софие, мудрости осиявшися благодатию.

Твой всеблаженный плод, Пребожественныя Троицы количеством украшаемь, страдальчески за Ону подвизася, всемудрая Софие, премудрости Божественныя тезоименитая.

Слава Отцу, и Сыну, и Святому Духу.

Тело и душу добродетельми очистивше, девы отроковицы, три Тебе приведошася, мученически, умному Жениху Христу, Вера с Надеждею, и Любовь славная.

И ныне и присно, и во веки веков. Аминь.

Богородичен: Весь зрак мой приим, иже во зраце Божии прежде зримь, всего обнови, в Твоем чреве Боголепно вселився, Пречистая. Темже Богородицу вернии Тя вси славим.

Песнь 3

Ирмос: Едине ведый человеческаго существа немощь, и милостивно в не воображся, препояши мя с высоты силою, еже вопити Тебе, Святый, одушевленный храме неизреченныя славы Твоея, Человеколюбче.

Припев: Святыя мученицы Веро, Надеждо и Любы, Софие, молите Бога о нас

Гласа послушавше Христова, зовуща к беземертней и безстрастней жизни, последоваша венценосицы девы и мученицы, еже вопити Тебе, Святый, храме одушевленный Пречистыя славы Твоея, Человеколюбче.

Крепость дарова Христос, стоящим пред судищем мученически вам, яко обещася, и Богодохновенныя мудрости исполни, и светлы показа победоносныя мученицы, девства сияюща благодатию.

Притуписте ум вражий девы великохвальный, и того гордыню низложисте, великомудренно подвигшеся, и прежде хвалящагося истребити море, теченми кровей потописте.

Слава Отцу, и Сыну, и Святому Духу.

Мудрости вышния Христовы богатно насытившеся, избранныя мудрости и благоумныя, дщери три посрамиша мучащих сверепства, и неистовство недержное, витийствующе Божественная учения.

И ныне и присно, и во веки веков. Аминь.

Богородичен: Святых Святаго Христа свято породила еси, святыни святое селение, во святых почивающаго. Емуже вопием: Свят Храм одушевленный неизреченныя славы Твоея, Человеколюбче.

Господи, помилуй, трижды.

Кондак, глас 1

Софии честныя священнейшия ветви, Вера, и Надежда, и Любовь, показавшеся, мудрость обуиша еллинскую благодатию, и пострадавше, и победоносицы явившеся, венцем нетленным от всех Владыки Христа увязошася.

Седален, глас 1

Агницы словесныя Агнца и Пастыря, огню и лютым мукам предани бысте, и явистеся ангелом равночестни. Тем вси священную вашу память празднуем в веселии сердца, девы Богомудрыя.

Песнь 4

Ирмос: Гору Тя Благодатию Божиею приосененную, прозорливыма Аввакум усмотрив очима, из Тебе изыти Израилеву провозглашаше Святому, во спасение наше и обновление.

Припев: Святыя мученицы Веро, Надеждо и Любы, Софие, молите Бога о нас.

Укрепльшеся Божественною благодатию, добропобедныя, Вера, Любовь и Надежда, мучителей прещения мужественно посрамиша, огнем всесожегаемы всемудрыя, и Жениху Христу приводимы.

Возмогоша, Креста всеоружием оградившеся, Вера, Любовь и Надежда, мучений благомощно раны стерпети святыя, даже до кровей крепчайше ко греху противльшеся.

Слава Отцу, и Сыну, и Святому Духу.

Свещи тричисленныя мудрости сияющия, Вера, Любовь и Надежда, Троицы просвещенми яве блистающияся, пресветло Церкви просвещают, ко спасению нашему и защищению.

И ныне и присно, и во веки веков. Аминь.

Богородичен: Святых святая Богородице Всепетая, ожидание языков и спасение верных, из Тебе возсия Избавитель, и Жизнодавец, и Господь, во спасение нас поющих Тя.

Песнь 5

Ирмос: Просветивый сиянием пришествия Твоего Христе, и осветивый Крестом Твоим мира концы, сердца просвети светом Твоего Богоразумия, православно поющих Тя.

Припев: Святыя мученицы Веро, Надеждо и Любы, Софие, молите Бога о нас.

Терпением мудрований муки подъемляху, и мудрости сущия в Бозе глаголюще тайны: держащаго посрамиша три девы Богоносныя, верою и естеством связуеми.

Радуется прамати, видящи побеждаема льстиваго, из Едема древле изгнавшаго сию, женами Богомудрыми, Надеждею, Верою и Любовию, Софии рожденьми.

Слава Отцу, и Сыну, и Святому Духу.

Ядовитаго мучителева ласкания избегоша, и мучений язвы вольне претерпеша, честныя отроковицы твоею любовию уязвльшеся, Христе, и Божественным Твоим рачением.

И ныне и присно, и во веки веков. Аминь.

Богородичен: Веселятся небесныя силы видяще Тя, радуются с ними человеков состояния: Рождеством бо соединишася Твоим, Дево Богородице, Егоже достойно славим.

Песнь 6

Ирмос: Обыде нас последняя бездна, несть избавляяй, вменихомся яко овцы заколения, спаси люди Твоя, Боже наш: Ты бо крепость немощствующих и исправление.

Припев: Святыя мученицы Веро, Надеждо и Любы, Софие, молите Бога о нас.

Радующеся, во Твои Владыко пречистыя длани возложиша надежды, отроковицы три, Троицы количеством и числом почтенныя и похваляемыя.

Светящеся девства добротами, мученическими увязенми украсишася, и венец сугуб свыше достойне прияша, от Христа Жизнодавца и Всещедраго.

Слава Отцу, и Сыну, и Святому Духу.

Приведошася Владыко в храм Твой всех царствующаго девственная сокровища честная, приобщитися царствию Твоему: Ты бо тех и Свет еси и веселие.

И ныне и присно, и во веки веков. Аминь. Богородичен:

Радуются о Тебе, Дево Пречистая, рода нашего праотцы, Едем восприемше Тобою, егоже преступлением погубиша. Ты бо Чиста и прежде рождества и по рождестве еси.

Господи, помилуй, трижды. Слава, и ныне:

Песнь 7

Ирмос: Тебе умную Богородице пещь разсмотряем вернии, якоже бо отроки спасе три превозносимый, мир обнови, во чреве Твоем всецел, хвальный отцев Бог и препрославлен.

Припев: Святыя мученицы Веро, Надеждо и Любы, Софие, молите Бога о нас.

Трисиянною единства благодатию, озаряеми яве девы, демонское разрушиша тмонеистовство, свет Триипостасный богословяще и поюще: хвальный отцев Бог и препрославлен.

На небесех чертоги имуще свещеносныя души, со ангелы весело ныне ликовствуете, славу присносущную зряще, и глаголюще: хвальный отцев Бог и препрославлен.

Слава Отцу, и Сыну, и Святому Духу.

Терпеливо яко отроцы противление показавше, огнь попраша мужественно: тех бо равночисленнии разум равностатный Богоносныя стяжаша, хвальнаго отцев присно Бога и препрославленнаго.

И ныне и присно, и во веки веков. Аминь.

Богородичен: Даеши, Чистая, оставление прегрешений воспевающим Тя верно, избавляющи напастей, и всякаго обстояния: Тя бо ныне стяжахом прибежище, Богоневестная, яко Хвальнаго отцев Бога руками носившая.

Песнь 8

Ирмос: В пещи отроцы Израилевы, якоже в горниле добротою благочестия чистее злата блещахуся, глаголюще: благословите вся дела Господня Господа, пойте и превозносите во вся веки.

Припев: Святыя мученицы Веро, Надеждо и Любы, Софие, молите Бога о нас.

Девы Богосветлыя, Вера, Надежда, Любовь, добротою благочестия чистее злата блещахуся, глаголюще: благословите вся дела Господня Господа, пойте и превозносите во вся веки.

Сияющия, и световидныя мучением проявленно бывшия девы, вернии воспоим глаголюще: благословите вся дела Господня Господа, пойте и превозносите во вся веки.

Слава Отцу, и Сыну, и Святому Духу.

 Врачевств струю обильно, довольно и богатно раки страстотерпиц источают присно, верою зовущим: благословите вся дела Господня Господа, пойте и превозносите во вся веки.

И ныне и присно, и во веки веков. Аминь.

Богородичен: Земля святая была еси Чистая, жизноносный Клас рождшая, присносущныя жизни Ходатая Христа, Емуже вси зовем: благословите вся дела Господня, Господа пойте и превозносите во вся веки.

Песнь 9

Ирмос: Образ Чистаго Рождества Твоего огнепалимая купина показа неопальная, и ныне на нас напастей свирепеющую угасити молимся пещь, да Тя Богородице непрестанно величаем.

Припев: Святыя мученицы Веро, Надеждо и Любы, Софие, молите Бога о нас.

Светом Трисиянным исполняеми и сияния Божественнаго ныне насыщающеся, купноименныя добродетелей и тождеименныя, Любве, Надежди, и Веры, надеждею и любовию ны и верою утвердите.

Да вышняя крепость ныне укротит, обдержащую бурю ереси, о страстотерпицы непобедимии, и подаст верным единоумие, просите, молим непрестанно, добродевы.

Слава Отцу, и Сыну, и Святому Духу.

Нощь жития всемудрыя прешедше, день постигосте невечерний, мученически веселящеся, и девственно хвалящеся благодатию, и Божественнаго царствия нетленнаго сподобляеми.

И ныне и присно, и во веки веков. Аминь.

Богородичен: О како Дева роди присносущее Слово и Ипостасное, сияние Отчия Ипостаси, нашего Благодетеля и Господа, из Нея воплощшася, Егоже достойно величаем.

***

Молитва мученицам Вере, Надежде, Любови и матери их Софии:

  • Молитва мученицам Вере, Надежде, Любови и матери их Софии. Пострадали при императоре Адриане. Юные христианки поразили всех стойкостью в исповедании веры. Сестер мучили на глазах у матери, однако она призывала дочерей быть твердыми. Через три дня святая София, не отходя от могилы дочерей, предала там свою душу Господу. Святым мученицам молятся о преуспеянии в главных христианских добродетелях - вере, надежде и любви, об укреплении в вере, о сохранении подростков от искушений мира и маловерия, о христианской любви между родителями и детьми

Акафист мученицам Вере, Надежде, Любови и матери их Софии:

Канон мученицам Вере, Надежде, Любови и матери их Софии:

Житийная и научно-историческая литература о мученицах Вере, Надежде, Любови и матери их Софии:

 

 
Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2018

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Рейтинг@Mail.ru