Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные акафисты / Акафист Господу Богу нашему, Отцу Небесному "Отче наш"


Православные акафисты

Акафист Господу Богу нашему, Отцу Небесному "Отче наш"

Кондак 1

Создателю и Творцу мира видимого и невидимого, Отцу Небесному и Богу нашему составим похвалу, принесем Ему славу, честь и поклонение, Той бо есть Премудрость всей вселенной: Истина, Живо и Путь спасения. Источник жития нашего безсмертного, источая дыхание жизни всему созданию. Приими убо молитвенныя наша воздыхания, Тебе единому поющия:

Отче наш, Царю Небесный, спаси и помилуй нас грешных.

Икос 1

В начале бе Слово, и Слово бе к Богу, и Бог бе Слово. Сии божественные слова вещает к нам великий Апостол Иоанн Богослов. Вместити невозможно разуму человеческому Премудрости Божией, ниже видети Бога нашего. На Него не смеют чины ангельские взирати, токмо верою и молитвою Отцу и Богу нашему взывати:

Отче наш, Иже еси на небесех, да святится Имя Твое.

Отче наш, Ты Творец мира всего видимого и невидимого.

Отче наш, Ты начало всего сущего на небеси и на земли.

Отче наш, Тебе служат и прославляют небесные ангелы.

Отче наш, Тебе преклоняются и молят вси людие.

Отче наш, Ты еси Альфа и Омега, начало и конец всего миросоздания.

Отче наш, Царю Небесный, спаси и помилуй нас грешных.

Кондак 2

Апостолы Христови, желая веры укрепления и молитвенного общения с Отцем Небесным, просили Господа Иисуса Христа: "научи нас молитися". Он же рече им: "егда молишися, вниди в клеть твою, и затвори двери твоя: помолися Отцу твоему, Иже в тайне, и Отец твой, видя в тайне воздаст тебе в яве и глаголи Ему сице: Отче наш, Иже еси на небесех, Да святится Имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, якоже и мы оставляем должником нашим, и не введи нас во искушение, но избави нас от лукаваго". Со апостолы слышавше, и мы воззовем: Аллилуия.

Икос 2

Никтоже достоин от связавшихся плотскими похотьми и житейскими страстьми приходити или приближатися или служити Тебе, Единому Богу нашему. Ты Един Свят - освяти и омый наши недостойные души от порока греха, да чистым сердцем и устами будем пети ти:

Отче наш, да приидет царствие Твое, Царство мира и любви.

Отче наш, да будет воля Твоя в каждом создании Твоем.

Отче наш, Ты един отец живущих на земли сей.

Отче наш, приими и нас, якоже Отец приял еси сына блуднаго.

Отче наш, не остави нас грешных, милости и помощи Твоея просящих.

Отче наш, попали тернии многия наших согрешений.

Отче наш, Царю Небесный, спаси и помилуй нас грешных.

Кондак 3

Станем добре, станем со страхом возносити с верою молитвы своя Отцу Небесному, отложив всякое житейское попечение. Той бо весть наши нужды и потребы, наши скорби и печали, и в сокрушении сердец наших будем взывать Ему непрестанно: Аллилуия.

Икос 3

Видеша велицый во пророцех Исаия Господа сидяще на Престоле высоцем и превознесенным, и края риз Его наполняли весь Храм. И серафимы стояху окрест Его, шесть крыл единому и шесть крыл другому: и двему убо покрываху лица своя, и двема же покрываху ноги своя и двема летаху и взываху друг ко другу и глаголаху: Свят, Свят, Свят Господь Саваоф, исполнь вся земля славы Его. Сие бо бысть, да вси мы веру имели Творцу и Богу нашему взывая сице:

Отче наш, имя Твое чудно на небеси и на земли.

Отче наш, Тя непрестанно воспевают небесные серафимы.

Отче наш, очисти и наши нечистые уста, да восхвалим Тя.

Отче наш, да воссияет и нам грешным Свет Твой присносущный.

Отче наш, мир Твой благий подажь нам, яко да уповахом на Тя.

Отче наш, да будет путь наш к Тебе чист и безсоблазнен.

Отче наш, Царю Небесный, спаси и помилуй нас грешных.

Кондак 4

Бури житейские потопляют в мире сем многоскорбные души наша. Стастьми и похотьми влечены вси в бездны греховныя и несть помощи нам, токмо Ты, Едине Создателю и Боже, Отче наш, простри руку Твою и исхити от погибели вечныя. Духом уст Твоих оживи, очисти и настави на стези спасения, да в разум истины приидем и воспоем Ти: Аллилуия.

Икос 4

Слыша ученицы Христови слова Господа: "будите совершени, якоже Отец ваш Небесный совершен есть". Сие совершенство да будет началом нашего спасения в доброделании душ наших. Помози нам, Отец Небесный, возлюбити врагов наших, и молитися за творящие нам всякие напасти, во исполнение заповедей Твоих ни словом или языком, но делом и истиною, взывая Тебе тако:

Отче наш, в чистоте и совершенстве Духа укрепи нас.

Отче наш, не отрини молитв наших, Тебе приносимых.

Отче наш, умилосердися над нами окаянными.

Отче наш, не лиши нас жизни вечныя.

Отче наш, освети мрачныя души наша солнцем Правды Твоея.

Отче наш, грешником кающимся грехи остави и прости.

Отче наш, Царю Небесный, спаси и помилуй нас грешных.

Кондак 5

Божественная сила Промысла Божия да направит души наша на путь спасения, дабы не преткнулись во лжемудровании своем, а исполняя заповеди притекли к Господу глаголющему: "обратитеся ко Мне, и отвратитеся от злых начинаний ваших и от всех нечестий ваших, и обратите лица ваша к глаголам Моим, и Аз прииму вы". Сие ведуще, во умилении сердец воспоем Богу нашему: Аллилуия.

Икос 5

Видевше нечестие в роде человеческом прелюбодейнем и грешнем, глагола Господь: "не хощу смерти грешника, но еже обратитися нечестивому от пути своего и живу быти ему. Вси греси его, яже согреши не помянутся: понеже суд и правду сотворит, жив будет в них". Помози и нам, Господи, избавиться от грехов наших оскверняющих души наша, в сокрушении сердец непрестанно взывающих тако:

Отче наш, сердце чисто сотвори в нас и дух прав обнови во утробах наших.

Отче наш, не отвержи Лица Твоего и Духа Твоего Святаго не отыми от нас.

Отче наш, даруй нам чистоту разума и сердце сокрушенно и смиренно.

Отче наш, не хлебом насущным, но и всяким словом из уст Своих напитай нас алчущих.

Отче наш, не введи нас во искушение, или горделивое мышление духа нашего.

Отче наш, избави нас от лукавого, отвращающего от спасения.

Отче наш, Царю Небесный, спаси и помилуй нас грешных.

***

Читайте также:

  • Православные акафисты и каноны - постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
  • Православный молитвослов - постоянно пополняемый сборник православных молитв, канонов, псалтырь, толкования на молитвы и многое другое.

***

Кондак 6

Всякое дыхание да хвалит Господа, мира сего видимого и невидимого. Да прославляют Его ангелы и вся силы небесные, да поют Ему во гласе трубнем, во псалтири и гуслех, ибо милость Его во веки к созданию Своему. Воспоем и мы молитвы Ему, да услышит нас, и преклонит ухо Свое ко всем взывающим: Аллилуия.

Икос 6

В мире скорбни будите, но мужайтесь, - сии слова вещает нам Священное Писание. Яко за претерпение скорбей, великая награда от Господа любящим Его. Сими глаголами да укрепимся и воспоем тако:

Отче наш, укрепи нас безропотно переносити все скорби наши.

Отче наш, помяни нас недостойных во Царствии Твоем.

Отче наш, согрей сердца наша любовию Твоею.

Отче наш, посли благодать Свою в помощь всем скорбящим и обремененным.

Отче наш, прости согрешения врагам нашим, ибо не ведают они, что творят.

Отче наш, сохрани в мире и любви всех нас.

Отче наш, Царю Небесный, спаси и помилуй нас грешных.

Кондак 7

Возлюбим друг друга, да единомыслием исповемы нашу веру православную во Единаго Бога Отца Вседержителя, небеса и земли вещают нам величие Славы Его. Сие вещание созерцая едиными устами и единым сердцем воспоем мы недостойные радостную хвалу Богу нашему: Аллилуия.

Икос 7

Дивен Бог во святых Своих, укрепляющий Духом Святым любящих Его, и прославляющих Имя Святое Его. Дивны дела Его во всем создании Его. И мы, создание Твое Господи, услыши молитвы наши и освяти нас, не по делом нашим воздай нам, но по милости Твоей, излей благодать на жаждущих спасения. Да с верою и любовию приступим к Тебе, Господи, и прчастницы жизни вечныя будем, воспевая Тебе:

Отче наш, Ты еси Бог наш неизречен в величии Твоем.

Отче наш, Ты еси Бог наш невидим и непостижим разумом человеческим.

Отче наш, Ты еси изволил зрак раба прияти, да спасеши род человеческий.

Отче наш, Ты еси Бог наш в явленных и неявленных благодеяниях бывших на нас.

Отче наш, Тебе предстоят тысящи архангелов и ангелов, исполняющих волю Твою.

Отче наш, Ты еси Бог наш, облекающийся светом яко ризою.

Отче наш, Царю Небесный, спаси и помилуй нас грешных.

Кондак 8

Странное и непостижимое людем Своим глаголет Господь: "Небо престол Мой, земля же подножие ногу Моею, кий дом созиждите Ми и кое место покоища Моего. Вся бо сие сотвори рука Моя и сия суть вся Моя. И на кого возрю, токмо на кроткого и молчаливого и трепещущаго словес Моих. "Так возри же и на нас грешных и недостойных, да во смирении сердец своих воспевающих Тебе: Аллилуия.

Икос 8

Весь еси, Ты Господи, к нам грешным благодатию Своею. Ради нас и нашего ради спасения, Ты тако возлюбил мир, яко Сына Своего Единородного дал еси, да всяк верующий в Него да не погибнет, а имет живот вечный. За сие славу воздаем Ти зовуще:

Отче наш, Ты един еси истинный Бог наш долготерпеливый и многомилостивый.

Отче наш, Ты еси Любовь неизреченная миросоздания Твоего.

Отче наш, не умру аз, но жив буду и повем дела Твои, Господи.

Отче наш, прими по силе и наше славословие, Тебе возносимые.

Отче наш, просвети сердца наши Истиною Твоею.

Отче наш, со всяким дыханием и мы восхвалим Тя.

Отче наш, Царю Небесный, спаси и помилуй нас грешных.

Кондак 9

Всякое естество небесных, земных и преисподних непрестанно славят Тя, Господи. Поюще, вопиюще, взывающе и глаголюще приносят хвалу создания Создателю своему. Исполнено небо и земля великия славы Твоея. Свят и пресвят Ты еси, Отче Небесный, и великолепна слава Твоя. Вся премудростию сотворил еси, Ему же и мы возносим хвалу, непрестанно поя: Аллилуия.

Икос 9

Витии многоглаголемыя не возмогут таин Божиих постигнути в миросоздании Твоем, Господи, ниже изрещи разумом красоты творения Твего. Премудростию Твоею повесивый на ничесомже землю повелением Твоим, и вся небесныя светила вещают о Создателе своем. Указуя пути спасения созданию Своему, да никтоже погибнет, имея веру во Единого Бога, и взывая сице:

Отче наш, создавай нас и спаси создание Твое по милости Твоей.

Отче наш, приими с верою и любовию Тебе молящихся.

Отче наш, очисти души и сердца наша от совести лукавыя.

Отче наш, не отврати лица Твоего от нас грешных и скорбных.

Отче наш, на спасения стези настави нас недостойных.

Отче наш, даждь нам в преподобии правде Тебе Единому служити.

Отче наш, Царю Небесный, спаси и помилуй нас грешных.

Кондак 10

Спасти хотя создание Твое, явил еси великия чудеса Твоя роду человеческому. Неисчетною Твоею силою вся содетельствовал еси нам, Господи, и множеством милости Твоея от небытия в бытие вся привел еси, наставляя и вразумляя ищущих спасения, милости и заступления, Тебе с верою поющия: Аллилуия.

Икос 10

Отче наш, живый на небесей, яви милосердие Твое созданию Твоему, благослови люди Твоя, Тебе молящиеся, Господи, сотвори с нами богатыя милости Твоя и щедроты Твоя. Помяни нас, недостойныя рабы Твоя, к Тебе молящиеся и взывающие:

Отче наш, вонми гласу моления нашего.

Отче наш, настави нас во еже ходити во истине Твоей.

Отче наш, сотвори с нами знамение во благо спасения нашего.

Отче наш, возвесели сердца наша во еже боятися нам имени Твоего Святаго.

Отче наш, не остави нас во еже помогати и спасати всех уповающих на Тя.

Отче наш, Ты еси Бог наш, помилуй нас.

Отче наш, Царю Небесный, спаси и помилуй нас грешных.

Кондак 11

Пение всеумиленное приносим Тебе рабы недостойнии в молитвах наших. Сподоби Господи, без греха сохранитися нам, и творити волю Твою Святую, боятися Тя, и служити Тебе во вся дни живота нашего. Не посрами нас от чаяния милости Твоея, и даруй нам вся яже ко спасению прошений наших, да с верою и любовию поем Ти: Аллилуия.

Икос 11

Свете Тихий святыя славы Твоея в творении светил небесных являеши Ты, Господи, всему миру. Просвети и наши души, омраченныя страстьми, светом заступления Твоего, согрей хладныя сердца наша и не отрини нас, ищущих спасения Твоего, Господи. Яви милосердие Твое ко всем чтущим Ти и имя Твое призывающим:

Отче наш, исполни уста наша хваления Твоего.

Отче наш, сподоби без греха сохранитися нам.

Отче наш, посети нас милостию и щедротами Твоими.

Отче наш, помози нам избежати различных козней лукавого.

Отче наш, сохрани нас благодатию Пресвятого Духа Твоего.

Отче наш, сопричти нас недостойных к наследию Твоему.

Отче наш, Царю Небесный, спаси и помилуй нас грешных.

Кондак 12

Преклонивый небеса ко спасению нас грешных, Господи, да не презриши моления нашего. Молитвы Тебе приносящих услыши, вложи в нас страх блаженных заповедей Твоих и избави от всякия мысли лукавого, да поучениями Твоими вразумляеми, в радости духовной воспоем Ти: Аллилуия.

Икос 12

Воспевая величия Твоя к роду человеческому, молимтися к Тебе, Господи, настави нас правдою Твоею, исправи пред Тобою путь наш, избавляя от работы вражия. И да не погубиши с нечестивыми души наша, ниже отринеши нас от спасения, Тебе непрестанно вопиющим:

Отче наш, моление прилежное приими от нас, рабов Твоих.

Отче наш, помилуй нас по множеству щедрот Твоих.

Отче наш, милости Твоя ниспошли на нас, и на все люди Твоя.

Отче наш, не отрини нас от будущия жизни вечныя.

Отче наш, Судия Праведный, не осуди нас на мучения вечныя.

Отче наш, долготерпеливе и многомилостиве, помилуй нас.

Отче наш, Царю Небесный, спаси и помилуй нас грешных.

Кондак 13

О, великий Боже и Господи сил, мира видимого и невидимого! Ты един еси Свят Господь Бог наш, начало и конец всего бытия, необъемлемого ни чиимже разумом человеческим. На Тебе же не могут чины ангельские взирати, ниже воззрети очесам человеческим. Тебе преклоняется всякое колено небесных, земных и преисподних. Тя молит вся тварь, прося милости и заступления. В ними же приими и наша молитвы и воздыхания. Тебе Единому поющия: Аллилуия, Аллилуия, Алилуия.

Сей Кондак читается трижды, затем Икос 1 и Кондак 1.

Молитва Богу Отцу нашему Небесному

О, великий Господи, Создателю и Творче мира сего видимого и невидимого. Отче наш! Живый на небесех и Духом Святым объемляй всю вселенную, свято и величественно имя Твое! Тебе преклоняются вся создания Твоя небесных, земных и преисподних, поюще, вопиюще, взывающе и глаголюще: - взывает к Тебе творение Твое, и на всяком месте владычествия Твоего, всякое дыхание и тварь да хвалит Господа.

О, всемилостивый Боже и Отче наш Небесный! Приими и наша недостойное благодарение, хвалу и молитвенное к Тебе воздыхание, из глубины души к Тебе взываем, услыши глас наш. Не остави нас милостию Твоею, да не до конца погибнем. Буди милость Твоя на нас, якоже уповахом на Тя, Спасителю и Защитителю наш. Промыслом Твоим управи жизнь нашу во благо и спасение. Всех нас в покаянии приими, заблудших обрати Истине Твоей, болящих исцели, скорбящих утеши, от всякого действа духов нечистых избави. Ангела мирна, верна наставника, хранителя душ и телес наших ниспошли нам, да возможем жити по воле Твоей. Сопричти всех нас избранному стаду Твоему. Да по множеству щедрот Твоих достигнем нашего спасения, непрестанно славя всечестное и великолепое имя Твое, Отца и Сына и Святого Духа, ныне и присно и во веки веков. Аминь.

Тропарь Господу Богу нашему, Отцу Небесному "Отче наш", глас 3

Отче Небесный мира видимаго сего и невидимого содетелю Премудростию Твоею украшаяй всяческая Тебе служат Небесные воинства Тебе молит естество человеческое величие Твое невместимо в разуме токмо верою познание приемлем смиренно молим Тя пощади создание Твое и от бед спаси души наша.

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru