Молитвы святым
Все молитвы праведному Алексию Мечеву, пресвитеру Московскому
Память: 9 / 22 июня, 22 августа / 4
сентября (собор Московских святых), 16 / 29 сентября
(перенесение мощей)
После смерти жены к отцу Алексею приехал
святой Иоанн Кронштадтский: "Вы пришли разделить со мной мое горе?",
- спросил отец Алексий, когда вошел отец Иоанн. - "Не
горе твое я пришел разделить, а радость, - ответил отец
Иоанн. - Тебя посещает Господь. Оставь свою келью и
выйди к людям; только отныне и начнешь ты жить. Ты
радуешься на свои скорби и думаешь: нет на свете горя
больше твоего... А ты будь с народом, войди в чужое
горе, возьми его на себя, и тогда увидишь, что твое
несчастье незначительно в сравнении с общим горем, и
легче тебе станет.
С этого времени святой Алексий Мечев -
этот добрейший пастырь, в
молитве и непрестанном служении людям разделял и
разделяет сейчас горе, нужды и
болезни всех к нему притекающих за молитвенной помощью.
***
Тропарь святому праведному Алексию Мечеву, пресвитеру Московскому, гл.3
Яко чудо Божие явился еси, граде
Московстем, отче Алексие, не в пустыни бо, но посреде
молвы процвел еси, в годину люту богоотступления обаче
древним упдобился еси, ровидец сый, молитвенник и
старец, и страждущим утешитель и врач, сего ради о
Российстей пастве, ходатай ныне буди непреложен,
молитвенниче о душах наших.
Кондак святому праведному Алексию Мечеву, пресвитеру Московскому,
глас 2
Велии труды любве и милосердия подъял
еси, праведный старче Алексие, от святаго пастыря
Кронштадтскаго благословение на помощь страждущим
прияв, беды и скорби людския яко вериги на рамо
свое возложи. Мы же ведуще тя молитвенника
дерзновенна ко Господу, со умилением зовем ти: моли
Христа Бога спастися душам нашим.
Молитва первая святому праведному
Алексию, пресвитеру Московскому
О всечестный и преблаженный отче наш
Алексие, дивный старче Московский и всея Церкве
Российския похвало и радование! Велию любовь ко
Господу имея, заветы Евангельския непреложно
исполняя, душу твою за паству полагал еси, сердцем
милующим болезнуя о всех, просящих твоея помощи.
Приими малое сие моление наше, и яко в земном
житии твоем всяку слезу утолял и от всякия скорби
избавлял еси, тако и ныне, милосердный молитвенниче
и ходатаю наш, возьми тяготы, болезни и скорби
наша, исполни страждущая сердца радостию и умоли
Человеколюбца Бога о прощении прегрешений наших; да
очистив душу покаянием, к добродетельному житию
обратимся. Ей, старче Алексие, буди и нам пастырь
добрый, на стезю спасения наставляющий, да
молитвами твоими безпорочно пройдем путь жития
нашего и обрящем Отечество Небесное, идеже ты со
ангелы и всеми святыми предстоиши Престолу Святыя
Троицы, славящее Безначального Отца со Единородным
Его Сыном и Пресвятым, и Благим, и Животворящим
Его Духом во веки веков. Аминь.
Молитва вторая святому
праведному Алексию Мечеву, пресвитеру Московскому
К тебе, о праведный отче Алексие, мы,
грешнии и недостоинии, притекаем и со умилением взываем
ти: призри ныне милостивно с высоты святыя своея на
Отечество наше и нас, тя прославляющих. Приявший в житии
своем тяготы людей и сердцем, милующим понесый скорби
их, приими в молитвенное твое предстательство и нас,
грехи многими обремененных и суетою мира сего
утружденных. В тебе, о дивный старче, прославися
Господь, явив тя тайнником милости Божией. Тя призываем
неотступно: буди врач душам и телесем нашим, унывающим -
утешитель, малодушным дерзновение низпосли, помраченных
злобою всепрощению научи, воздержанию способствуй.
Воспламени, благий делателю винограда Христова, хладные
сердца наша ревностию служения твоего, научи молитве
непрестанной и деятельной любве с утеснением себе ради
блага ближних наших. Укрепи молитвами твоими чада Церкви
нашея, да поживем в любве и мире, а вне ограды церковныя
пребывающии да уразумеют Христову Истину и вкупе с нами
прославят Животворящую и Нераздельную Троицу и твое
милостивное предстательство во веки веков. Аминь.
Молитва третья святому праведному
Алексию Мечеву, пресвитеру Московскому
О всечестный и преблаженный отче наш
Алексие, дивный старче Московский и всея Церкви
Российския похвало и радование! Велию любовь ко Господу
имея, заветы евангельския непреложно исполняя, душу твою
за паству полагал еси, милеющим сердцем болезнуя о всех,
просящих твоея помощи. Приими малое: сие моление наше, и
яко в земном житии твоем отирал еси всяку слезу,
облегчал еси всяку скорбь, так и ныне милосердый
молитвенниче и ходатаю наш, возьми тяготы, болезни и
скорби наша, исполни страждущая сердца радостию, умоли
человеколюбца Бога о прощении безчисленных прегрешений
наших, да очистив душу покаянием, к деланию доброму
приступим. Ей, старче благий, буди и нам пастырем
добрым, наставляя на стезю спасения, да молитвами твоими
безпорочно пройдем путь жития нашего и обрящем Отечество
Небесное, идеже ты со ангелы и всеми святыми предстоиши
Престолу Святыя Троицы, славяще Безначального Отца со
Единородным Его Сыном и Пресвятым, и Благим, и
Животворящим Его Духом во веки веков. Аминь.
***
Акафист праведному Алексию Мечеву:
Житийная и научно-историческая литература о праведном Алексие Мечеве:
Труды праведного Алексия Мечева:
|
