Молитвы святым
Все молитвы преподобному Александру Свирскому
Память: 17 / 30 апреля, 30 августа / 12 сентября
Преподобный Александр Свирский принял
монашество от юности. Великий подвижник и наставник
монахов. Преподобному Александру
Свирскому молятся в желании принять монашество, о
наставлении в иноческом делании, об утешении сердец
родителей, которые чрезмерно скорбят об избрании чадом
иноческого пути, о помощи в учении, и также о помощи в
недуге расслабления (паралича).
***
Тропарь преподобному преподобному Александру
Свирскому, глас 4-й
От юности, богомудре, желанием духовным
в пустыню вселився, единаго Христа возжелал еси усердно
стопам в след ходити. Темже и ангельстии чини зряще тя
удивишася, како с плотию к невидимым кознем подвизався,
премудре, победил еси полки страстей воздержанием, и
явился еси равноангелен на земли, Александре, преподобне.
Моли Христа Бога, да спасет души наша.
Кондак преподобному Александру Свирскому, глас 8-й:
Яко многосветлая звезда днесь в странах
Российских возсиял еси, отче, вселився в пустыню,
Христовым стопам последовати усердно возжелел еси, и
Того святое иго на рамо твое взем честный крест,
умертвил еси, труды подвиг твоих, телесная взыграния.
Темже вопием ти: спаси стадо твое, еже собрал еси мудре,
да зовем ти: радуйся, преподобне Александре, отче наш.
Величание: Ублажаем тя, преподобне отче
Александре, и чтим свяую память твою, наставник монахов
и собеседник ангелов.
Молитва преподобному Александру Свирскому
О, священная главо, ангеле земный и
человече небесный, преподобне и богоносне отче наш
Александре, изрядный угодниче Пресвятыя и Единосущныя
Троицы, многия милости живущим во святей обители твоей и
всем, с верою и любовию притекающим к тебе, являяй.
Испроси нам вся к житию сему временному благопотребная,
паче же к вечному спасению нашему нужная. Пособствуй
предстательством твоим, угодниче Божий, правителем
страны нашея России. И да в мире глубоце пребудет святая
православная Церковь Христова. Буди всем нам, чудотворче
святый, во всякой скорби и обстоянии скорый помощниче.
Наипаче же в час кончины нашея явися нам, заступниче
благосердый, да не предани будем на мытарствах воздушных
власти злобнаго миродержца, но да сподобимся
непреткновеннаго восхода в Царствие Небесное. Ей, отче,
молитвенниче наш присный! Не посрами упования нашего, не
презри смиренных молений наших, но присно о нас пред
Престолом Живоначальныя Троицы предстательствуй, да
сподобимся вкупе с тобою и со всеми святыми, аще и
недостойны есмы, в селениих райских славити величие,
благодать и милость Единаго в Троице Бога, Отца и Сына и
Святаго Духа во веки веков. Аминь.
***
Акафист преподобному Александру Свирскому:
Канон преподобному Александру Свирскому:
Житийная и научно-историческая литература о преподобном Александре Свирском:
|
