Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные праздники / Крещение Господне (Богоявление)


Богослужебные тексты для общего народного пения: Святое Богоявление (Крещение Господне)

Богослужебные тексты для общего народного пения во время православного богослужения на Богоявление (Крещение Господне)

***

Крещение Господне, икона, 1405 год. Иконописец -  преподобный Андрей Рублев

Крещение Господне, икона, 1405 год. Иконописец -  преподобный Андрей Рублев

Основные тексты службы и песнопения для общенародного пения. Святое Богоявление Крещение Господа Бога и Спаса нашего Иисуса Христа

С нами Бог, разумейте языцы,  и покаряйтеся: Яко с нами Бог.

Услышите до последних земли: Яко с нами Бог.

Могущии покаряйтеся: Яко с нами Бог.

Аще бо паки возможете, и паки побеждени будете: Яко с нами Бог.

И иже аще совет совещаваете, разорит Господь: Яко с нами Бог.

И слово, еже аще возглаголете, не пребудет в вас: Яко с нами Бог.

Страха же вашего не убоимся, ниже смутимся: Яко с нами Бог.

Господа же Бога нашего Того освятим, и Той будет нам в страх: Яко с нами Бог.

И аще на Него надеяся буду, будет мне во освящение: Яко с нами Бог.

И уповая буду на Него, и спасуся Им: Яко с нами Бог.

Се аз и дети, яже ми даде Бог: Яко с нами Бог.

Людие ходящии во тьме, видеша свет велий: Яко с нами Бог.

Живущии во стране и сени смертней, свет возсияет на вы: Яко с нами Бог.

Яко Отроча родися нам, Сын, и дадеся нам: Яко с нами Бог.

Егоже начальство бысть на раме Его: Яко с нами Бог.

И мира Его несть предела: Яко с нами Бог.

И нарицается Имя Его, Велика Совета Ангел: Яко с нами Бог.

Чуден Советник: Яко с нами Бог.

Бог крепок, Властитель, Начальник мира:  Яко с нами Бог.

Отец будущаго века: Яко с нами Бог.

С нами Бог, разумейте языцы, и покаряйтеся: Яко с нами Бог.

Слава Отцу и Сыну и Святому Духу. С нами Бог.

И ныне и присно и во веки веков. Аминь. С нами Бог. Яко с нами Бог.

Тропари:

День преше́д, благодарю́ Тя, Го́споди, ве́чер, прошу́, с но́щию без греха́ пода́ждь ми, Спа́се, и спаси́ мя

Слава: День прешед, славословлю Тя, Владыко, вечер, прошу, с нощию безсоблазнство подаждь ми, Спасе, и спаси мя.

И ныне: День прешед, песнословлю Тя, Святый, вечер, прошу, с нощию ненаветен подаждь ми, Спасе, и спаси мя.

Безплотное естество Херувимское, немолчными песньми Тя славословят. Шестокрильная животная серафими, непрестанными гласы Тя превозносят: Ангелов же вся Воинства трисвятыми песньми Тя восхваляют. Прежде бо всех еси Сый Отец, и собезначальна имаши Твоего Сына: и равночестна носяй Духа жизни, Троицы являеши нераздельное.

Пресвята́я Де́во Ма́ти Бо́жия, и и́же Сло́ва самови́дцы и слуги́: проро́к же и му́ченик вси ли́цы, я́ко безсме́ртну иму́ще жизнь: о всех моли́теся приле́жно, я́ко вси есмы́ в беда́х. Да пре́лести изба́вльшеся лука́ваго, а́нгельскую вопие́м песнь: Святы́й, Святы́й, Святы́й, Трисвяты́й Го́споди, поми́луй и спаси́ нас, ами́нь.

Тропарь праздника, глас 1:

Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе́.

Кондак праздника, глас 4:

Яви́лся еси́ днесь вселе́нней, и свет Твой, Го́споди, зна́менася на нас, в ра́зуме пою́щих Тя: прише́л еси́ и яви́лся еси́, Свет Непристу́пный.

Стихиры на Литии:

Одеваяйся светом, яко ризою, нас ради по нам быти сподобился eсть, во струи одевается днесь Иoрданския, не Сам сих ко очищению требуя, но нам Собою устрояяй порождение. О, чудесе! Без oгня изваряет, и назидает без сокрушения, и спасает в Него просвещаeмыя Христос Бог и Спас душ наших.

Тебе, в Дусе и oгни очищающа грех мира,  зря Креститель грядуща к себе, ужасаяся и трепеща, вопияше, глаголя: не смею держати верх Твой пречистый, Ты мя освяти, Владыко, Божественным явлением Твоим,  Eдине Человеколюбче.

Приидите, подражаим мудрыя девы, приидите, срящим явльшагося Владыку, яко прииде, яко Жених, ко Иоанну. Иoрдан, видев Тя, убояся и пожда. Иоанн вопияше: не смею держати верха Безсмертнаго. Дух низхождаше в виде голубине освятити воды, и глас с Небесе: Сей eсть Сын Мой, пришедый в мир спасти род человеческий, Господи, слава Тебе.

Крещается Христос и восходит от воды, совозводит бо с Собою мир и зрит разводящаяся Небеса,  яже Адам затвори себе и сущим с ним, и Дух свидетельствует Божество, Подобному бо предтичет и глас от Небесе: оттуду бо свидетельствуемый, Спас душ наших.

Трепеташе рука Крестителева, егда пречистому Твоему верху коснуся; возвратися Иордан река вспять, не дерзая служити Тебе. Яже бо устыдеся Иисуса Навина, како Творца своего устрашитися не имяше?  Но все исполнил еси смотрение, Спасе наш, да спасеши мир явлением Твоим, Едине Человеколюбче.

СЛАВА: Господи, исполнити хотя, яже уставил eси от века, от всея твари служитeли тайны Твоея приял eси: от Ангел – Гавриила, от человек – Деву, от Небес – звезду и от вод – Иoрдан, в немже беззаконие мирское потребил eси, Спасе наш, слава Тебе.

И НЫНЕ: Днесь всяка тварь просвещается,  днесь всячeская веселятся, Небесная вкупе и земная,  Ангели и человецы смешаются, идеже бо Царево пришествие, и чин приходит. Тецем убо на Иoрдан и видим вси Иоанна: како крещает Верх Нерукотворенный и Безгрешный? Темже, апостольский глас припевающе, согласно возопием: явися благодать Божия спасительная всем человеком, озаряющи и подающи верным велию милость.

Стихиры на стиховне:

На Иoрданстей реце видев Тя Иоанн, к себе грядуща, глаголаше: Христе Боже, что к рабу пришел eси, скверны не имый, Господи? Во имя же чие Тя крещу? Oтца? Но Того носиши в Себе. Сына? Но Сам eси воплотивыйся. Духа Святаго? И Сего веси даяти верным усты. Явлейся Боже, помилуй нас.

Море виде и побеже, Иoрдан возвратися вспять.

Видеша Тя воды, Боже, видеша Тя воды и убояшася: к Твоей бо славе противозрети Херувими не могут, ниже взирати Серафими, но, со страхом предстояще, oвии убо носят, oвии же славят силу Твою.  С нимиже, Щедре, возвещаем хвалу Твою, глаголюще: явлейся Боже, помилуй нас.

Что ти eсть море, яко побегло eси? И тебе, Иoрдане, яко возвратился eси вспять?

Днесь Небесе и земли Творец приходит плотию на Иoрдан, Крещения прося Безгрешный, да очистит мир от лести вражия, и крещается от раба Владыка всяческих, и очищение водою роду человеческому дарует. Тому возопием: явлейся Боже наш, слава Тебе.

Слава, и ныне: Еже от Девы Солнце, видя иже от неплодове светильник светлый, во Иoрдане просяща Крещения, ужасом и радостию вопияше к Нему: Ты мя освяти, Владыко, Божественным явлением Твоим.

Ны́не отпуща́еши раба́ Твоего́, Влады́ко, по глаго́лу Твоему́, с ми́ром; я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет во открове́ние язы́ков, и сла́ву люде́й Твои́х Изра́иля.

Крещение Господне. Деталь Васильевских врат, 1336 год. Техника золотой наводки на меди

Крещение Господне. Деталь Васильевских врат, 1336 год. Техника золотой наводки на меди

Тропарь Крещения Господня, глас 1 (трижды):

Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе́.

Псалом 33:

Благословлю Господа на всякое время, выну хвала Его во устех моих. О Господе похвалится душа моя, да услышат кротцыи, и возвеселятся. озвеличите Господа со мною, и вознесем имя Его вкупе. Взысках Господа, и услыша мя, и от всех скорбей моих избави мя. Приступите к Нему и просветитеся, и лица ваша не постыдятся. Сей нищий воззва, и Господь услыша и, и от всех скорбей его спасе и. Ополчится ангел Господень окрест боящихся Его, и избавит их. Вкусите и видите, яко благ Господь: блажен муж, иже уповает Нань. Бойтеся Господа, вси святи Его, яко несть лишения боящимся Его. Богатии обнищаша и взалкаша: взыскающии же Господа не лишатся всякого блага.

Конец Великого повечерия. Начало утрени

(Выключается свет, читается шестопсалмие: 3, 37, 62, 87, 102, 142 псалмы)

Бог Господь, и явися нам, благословен грядый во имя Господне

Тропарь Крещения Господня, глас 1 (трижды):

Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе́.

Далее читаются кафизмы

(по уставу положено читать 2 кафизмы, но в разных храмах в зависимости от традиции, чтение псалтири может быть сокращено до нескольких псалмов или вовсе пропущено)

Величаем Тя, Живода́вче Христе́, нас ра́ди ны́не пло́тию крести́вшагося от Иоа́нна в вода́х Иорда́нских.

Прокимен, глас 4:

Мо́ре ви́де и побеже́, Иорда́н возврати́ся вспять.

Стих: Что ти есть, мо́ре, я́ко побе́гло еси́, и тебе́, Иорда́не, я́ко возврати́лся еси́ вспять?

Всякое дыхание да хвалит Господа.

Стих: Хвалите Бога во святых Его, хвалите Его в утвержении силы Его.

Евангелие от Матфея (гл. 1: 18–25) (перевод на русский язык)

В то время пришел Иисус из Назарета Галилейского и был крещен Иоанном во Иордане. И тотчас, выходя из воды, увидел разверзающиеся небеса и Духа, как голубя, нисходящего на Него. И голос раздался с небес: "Ты – Сын Мой Возлюбленный, на Тебе Мое благоволение".

Слава: Всяческая днесь да возрадуются, Христу явльшуся во Иордане.

И ныне: Всяческая днесь да возрадуются,  Христу явльшуся во Иордане.

Бог Слово явися плотию роду человеческому, стояше креститися во Иордане, и глаголаше к Нему Предтеча: како простру руку и прикоснуся верху Держащаго всяческая? Аще и от Марии еси Младенец, но вем Тя, Бога Превечнаго, по земли ходиши, певаемый от Серафим, и раб Владыку крещати не научихся. Непостижиме Господи, слава Тебе.

Канон (ирмосы и катавасии Крещенского канона, читаемого с начала помазания прихожан елеем, в песнях которого раскрывается смысли красота празднуемых сегодня Церковью событий)

Песнь 1

Глубины́ откры́л есть дно и су́шею Своя́ влече́т, в ней покры́в проти́вныя, кре́пкий во бране́х Госпо́дь, я́ко просла́вися.

Ше́ствует морску́ю волня́щуюся бу́рю, су́шу а́бие Изра́иль я́вльшуюся. Че́рмный же понт триста́ты еги́петския покры ку́пно, водостла́нен гроб, си́лою кре́пкою десни́цы Влады́чни.

Песнь 3

Кре́пость дая́й царе́м на́шим Госпо́дь и рог пома́занных Свои́х вознося́й от Де́вы ражда́ется, гряде́т же ко Креще́нию. Тому́, ве́рнии, возопие́м: несть свят, я́ко Бог наш.

Ели́цы дре́вних изреши́хомся се́тей бра́шен львов, сотре́нных члено́вными, ра́дуимся и разшири́м уста́, сло́во плету́ще от слове́с сладкопе́ния, и́мже к нам наслажда́ется дарова́ний.

Песнь 4

Услы́шах, Го́споди, глас Твой, его́же рекл еси́, глас вопию́щаго в пусты́ни, я́ко возгреме́л еси́ над вода́ми мно́гими, Твоему́ свиде́тельствуяй Сы́ну, весь быв соше́дшаго Ду́ха, возопи́: Ты еси́ Христо́с, Бо́жия му́дрость и си́ла.

Огне́м очи́щся та́йнаго зре́ния, поя́ проро́к челове́ков новоде́йство, возглаша́ет глас, Ду́хом пле́щущ, воплоще́ние явля́ющ неизрече́нна Сло́ва, И́мже си́льных держа́вы сотро́шася.

Песнь 5

Иису́с, живота́ Нача́льник, разреши́ти осужде́ние гряде́т Ада́ма первозда́ннаго, очище́ний же, я́ко Бог, не тре́буя, па́дшаго очища́ет во Иорда́не, в не́мже вражду́ уби́в, преиму́щ всяк ум мир да́рует.
Врага́ те́мнаго и оскверне́ннаго я́да очище́нием Ду́ха измове́ни, к но́вой приста́хом небла́зненной стези́, вводя́щей в непристу́пную ра́дость, Еди́нем присту́пну, и́мже Бог примири́ся.

Песнь 6

Глас Словесе́, свети́льник Све́та, денни́ца Со́лнца, Предте́ча в пусты́ни, – пока́йтеся! – всем вопие́т лю́дем, – и предочи́ститеся: се бо предстои́т Христо́с, от тли мир избавля́яй.

Вожделе́ннаго я́вствова со всеблаже́нным гла́сом Оте́ц, Его́же из чре́ва отры́гну: ей, – глаго́лет, – Сей соесте́ствен Сын, Сый светоза́рен, произни́че из челове́ча ро́да: Сло́во же Мое́ жи́во и Челове́к промышле́нием.

Конда́к Праздника, глас 1:

Яви́лся еси́ днесь вселе́нней, и свет Твой, Го́споди, зна́менася на нас, в ра́зуме пою́щих Тя: прише́л еси́ и яви́лся еси́, Свет Непристу́пный.

Песнь 7

Ю́ноши благочести́выя, пе́щи о́гненней приобщи́вшияся, шумя́щ дух ро́сный невреди́мы сохрани́ и Бо́жия А́нгела снизхожде́ние. Те́мже, в пла́мени ороша́еми, благода́рственно воспева́ху: препе́тый отце́в Го́споди и Бо́же, благослове́н еси́.

Опали́ струе́ю зми́евы главы́ пе́щный высо́кий пла́мень, ю́ноши нося́щ благочести́выя, ути́шивый неудободержи́мую мглу из греха́ всю же омыва́ет росо́ю Ду́ха.

Песнь 8

Хвалим, благословим, покланяемся Господеви, поюще и превозносяще во вся веки.

Та́йну пресла́вную вавило́нская показа́ пещь, источи́вшая ро́су, я́ко струя́ми имя́ше невеще́ственный Огнь восприя́ти Иорда́н и объя́ти пло́тию креща́ема Зижди́теля, Его́же благословя́т лю́дие и превозно́сят во вся ве́ки.
Свобо́дна у́бо тварь познава́ется и сы́нове Све́та пре́жде омраче́ннии; еди́н сте́нет тьмы предста́тель. Ны́не да благослови́т усе́рдно Вино́внаго пре́жде окая́нное язы́ков всенасле́дие.

Крещение Господне. Икона, около 1497 года. Кирилло-Белозерский музей-заповедник

Крещение Господне. Икона, около 1497 года. Кирилло-Белозерский музей-заповедник

Песнь 9

Припевы праздника

Велича́й, душе́ моя́, Честне́йшую Го́рних во́инств, Де́ву Пречи́стую, Богоро́дицу.

Недоуме́ет всяк язы́к благохвали́ти по достоя́нию, изумева́ет же ум и преми́рный пе́ти Тя, Богоро́дице, оба́че, Блага́я су́щи, ве́ру приими́, и́бо любо́вь ве́си Боже́ственную на́шу: Ты бо христиа́н еси́ Предста́тельница, Тя велича́ем.

Велича́й, душе́ моя́, от Предте́чи Креще́ния Прося́ща.

Велича́й, душе́ моя́, во Иорда́не Прише́дшаго крести́тися.

Дави́де, прииди́ Ду́хом к просвеще́нным, – ны́не приступи́те, – пой к Бо́гу, – ве́рою, – глаго́ля, – просвети́теся! Сей ни́щий воззва́ Ада́м в паде́нии, и́бо Того́ услы́ша Госпо́дь, прише́д, струя́ми Иорда́нскими тле́ннаго же обнови́.

Велича́й, душе́ моя́, от Оте́ческаго гла́са Свиде́тельствованна.

Велича́й, душе́ моя́, Еди́наго от Тро́ицы, прекло́ньшаго вы́ю и Креще́ние прие́мша

Иса́ия, – измы́йтеся, очи́ститеся! – глаго́лет, – лука́вствия пред Го́сподем оста́вите. Жа́ждущии, на во́ду жи́ву иди́те: кропи́т бо водо́ю, обновля́я, Христо́с приступа́ющия к Нему́ ве́рою и к животу́ нестаре́емому креща́ет Ду́хом.

Проро́че, прииди́ ко Мне, простри́ ру́ку и крести́ Мя ско́ро.
Проро́че, оста́ви ны́не и крести́ Мя, хотя́ща: испо́лнити бо приидо́х вся́ку пра́вду.

Соблюда́емся благода́тию, ве́рнии, и печа́тию. Я́ко бо губи́теля, бежа́ша пра́га евре́и, дре́вле окрова́влена, та́ко и нам исхо́дное Боже́ственное сие́ пакибытия́ ба́ня бу́дет. Отсю́ду и Тро́ицы у́зрим Свет Незаходи́мый.

Днесь Влады́ка преклоня́ет вы́ю под ру́ку Предте́чеву.

О, па́че ума́ Рождества́ Твоего́ чуде́с! Неве́сто Всечи́стая, Ма́ти Благослове́нная, Е́юже получи́вше всесоверше́нное спасе́ние, досто́йно хва́лим, я́ко Благоде́теля, дар нося́ще – песнь благодаре́ния.

Днесь Иоа́нн креща́ет Влады́ку, во струя́х Иорда́нских.

Днесь Влады́ка вода́ми погреба́ет челове́ческий грех.

Уве́дехом Моисе́ю купино́ю явле́нная, гряди́, стра́нными уста́вы соде́ланная: я́ко бо спасе́ся, Огнь нося́щи, Де́ва, Светоно́сна ро́ждши Благоде́теля, во Иорда́нских же струя́х явле́нна.

Днесь Влады́ка свы́ше свиде́тельствуется, Сын возлю́бленный.

Днесь Влады́ка прии́де освяти́ти естество́ водно́е.

Днесь Влады́ка Креще́ние прие́млет руко́ю Предте́чевою.

Помазу́еши, соверша́я челове́ческое существо́, Царю́ Безнача́льне, Ду́ха обще́нием, струя́ми чи́стыми отмы́в и тьмы кре́пость же посра́мль возвы́шенную, ны́не в безпреста́ннем возда́ти житии́.

О, па́че ума́ Рождества́ Твоего́ чуде́с! Неве́сто Всечи́стая, Ма́ти Благослове́нная, Е́юже получи́вше всесоверше́нное спасе́ние, досто́йно хва́лим, я́ко Благоде́теля, дар нося́ще – песнь благодаре́ния.

Стихиры на хвалитех:

Всякое дыхание да хвалит Господа.

Хвалите Господа с небес, хвалите Его в вышних. Тебе подобает песнь Богу.

Хвалите Его, вси Ангели Его, хвалите Его, вся Силы Его. Тебе подобает песнь Богу.

Сотворити в них суд написан, слава сия будет всем преподобным Его.

Свет от Света, возсия мирови Христос, Спас наш, явлейся Бог. Сему, людие, поклонимся.

Хвалите Бога во святых Его, хвалите Его во утвержении силы Его.

Како Тя, Христе, раби, Владыку достойно почтим? Яко в водах всех нас обновил eси.

Хвалите Его на силах Его, хвалите Его по множеству величествия Его.

Ты, во Иoрдане крещся, Спасе наш, воды освятил eси, дланию раба рукополагаемый и страсти мира исцеляяй. Велие таинство явления Твоего, Человеколюбче Господи, слава Тебе.

Хвалите Его во гласе трубнем, хвалите Его во псалтири и гуслех.

Истинный Свет явися и всем просвещение дарует, крещается Христос с нами, Иже всякия вышши чистоты, влагает священие воде, и душам сие очищение бывает, земное являемое и выше Небес разумеваемое. Банею – спасение, водою же – Дух, погружения ради, иже к Богу, наш восход бывает. Чудeсна дела Твоя, Господи, слава Тебе.

Слава Отцу и Сыну и Святому Духу.

Водами Иoрданскими одеялся eси, Спасе, одеяйся Светом, яко ризою, и приклонил eси главу Предтечи, Иже небо измеривый пядию. Да обратиши мир от лести и спасеши, яко Человеколюбец.

И ныне и присно и во веки веков. Аминь.

Днесь Христос на Иoрдан прииде креститися, днесь Иоанн касается верху Владычню. Силы Небесныя ужасошася, преславное видяще таинство. Море виде и побеже, Иoрдан, видев, возвратися. Мы же, просвещшеся, вопием: слава явившемуся Богу, и на земли виденному, и просветившему мир.

Славосло́вие вели́кое:

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди Царю́ Небе́сный, Бо́же О́тче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу; седя́й одесну́ю Отца́, поми́луй нас. Я́ко Ты еси́ еди́н Свят, Ты еси́ еди́н Госпо́дь, Иису́с Христо́с, в сла́ву Бо́га Отца́. Ами́нь.

На всяк день благословлю́ Тя, и восхвалю́ И́мя Твое́ во ве́ки, и в век ве́ка.

Сподо́би, Го́споди, в день сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено И́мя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя.

Благослове́н еси́, Го́споди, научи́ мя оправда́нием Твои́м. трижды)

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой: я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Святы́й Безсме́ртный, поми́луй нас.

Святы́й Бо́же, Святы́й Кре́пкий, Святы́й Безсме́ртный, поми́луй нас.

Тропарь Крещения Господня, глас 1 (трижды):

Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе́.

Основные тексты службы и песнопения для общенародного пения

Свято́е Богоявле́ние Креще́ние Го́спода Бо́га и Спа́са на́шего Иису́са Христа́

Совершается Литургия свт. Василия Великого с антифонами праздника

1-й антифон, глас 1 (Псалом 113):

Во исхо́де Изра́илеве от Еги́пта, до́му Иа́ковля из люде́й ва́рвар.

Моли́твами Богоро́дицы, Спа́се, спаси́ нас.

Бысть Иуде́я святы́ня Его́, Изра́иль о́бласть Его́.

Моли́твами Богоро́дицы, Спа́се, спаси́ нас.

Мо́ре ви́де и побеже́, Иорда́н возврати́ся вспят.

Моли́твами Богоро́дицы, Спа́се, спаси́ нас.

Что ти есть, мо́ре, я́ко побе́гло еси́? И тебе́, Иорда́не, я́ко возврати́лся еси́ вспять?

Моли́твами Богоро́дицы, Спа́се, спаси́ нас.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Моли́твами Богоро́дицы, Спа́се, спаси́ нас.

2-й антифон, глас 2 (Псалом 114):

Возлюби́х, я́ко услы́шит Госпо́дь глас моле́ния моего́.

Спаси́ ны, Сы́не Бо́жий, во Иорда́не крести́выйся, пою́щия Ти: аллилу́ия.

Я́ко приклони́ у́хо Свое́ мне, и во дни моя́ призову́.

Спаси́ ны, Сы́не Бо́жий, во Иорда́не крести́выйся, пою́щия Ти: аллилу́ия.

Объя́ша мя боле́зни сме́ртныя, беды́ а́довы обрето́ша мя, скорбь и боле́знь обрето́х и И́мя Госпо́дне призва́х.

Спаси́ ны, Сы́не Бо́жий, во Иорда́не крести́выйся, пою́щия Ти: аллилу́ия.

Ми́лостив Госпо́дь и пра́веден, и Бог наш ми́лует.

Спаси́ ны, Сы́не Бо́жий, во Иорда́не крести́выйся, пою́щия Ти: аллилу́ия.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Единоро́дный Сы́не и Сло́ве Бо́жий, Безсме́ртен Сый и изво́ливый спасе́ния на́шего ра́ди воплоти́тися от Святы́я Богоро́дицы и Присноде́вы Мари́и, непрело́жно вочелове́чивыйся, распны́йся же, Христе́ Бо́же, сме́ртию смерть попра́вый, Еди́н Сый Святы́я Тро́ицы, спрославля́емый Отцу́ и Свято́му Ду́ху, спаси́ нас.

3-й антифон, глас 1 (Псалом 117)

Испове́дайтеся Го́сподеви, я́ко Благ, я́ко в век ми́лость Его́.

Тропарь Праздника: Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе́.

Да рече́т у́бо дом Изра́илев: я́ко Благ, я́ко в век ми́лость Его́.

Во Иoрда́не креща́ющуся Тебе́, Го́споди, Тро́йческое яви́ся поклоне́ние…

Да рече́т у́бо дом Ааро́нь: я́ко Благ, я́ко в век ми́лость Его́.

Во Иoрда́не креща́ющуся Тебе́, Го́споди, Тро́йческое яви́ся поклоне́ние…

Да реку́т у́бо вси, боя́щиися Го́спода: я́ко Благ, я́ко в век ми́лость Его́.

Во Иoрда́не креща́ющуся Тебе́, Го́споди, Тро́йческое яви́ся поклоне́ние…

Во время входа с Евангелием:

Благослове́н гряды́й во И́мя Госпо́дне, благослови́хом вы из до́му Госпо́дня, Бог Госпо́дь и яви́ся нам.

Тропарь праздника, глас 1:

Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе.

Кондак праздника, глас 4:

Яви́лся еси́ днесь вселе́нней, и свет Твой, Го́споди, зна́менася на нас, в ра́зуме пою́щих Тя: прише́л еси́ и яви́лся еси́, Свет Непристу́пный.

Вместо трисвятого:

Елицы во Христа крестистеся, во Христа облекостеся. Аллилуия.

Прокимен, глас 4: Благослове́н гряды́й во И́мя Госпо́дне, Бог Госпо́дь и яви́ся нам.

Стих: Испове́дайтеся Го́сподеви, я́ко Благ, я́ко в век ми́лость Его́.

К Титу послание святого апостола Павла (гл.2:11-14, гл.3:4-7) [перевод на русский язык]

Сын мой Тит, явилась благодать Божия, спасительная всем людям, наставляющая нас, чтобы мы, отвергнув нечестие и мирские вожделения, целомудренно, и праведно, и благочестиво жили в нынешнем веке, ожидая блаженной надежды и явления славы великого Бога и Спасителя нашего Иисуса Христа, Который дал Себя за нас, чтобы искупить нас от всякого беззакония и очистить Себе народ особенный, ревнитель добрых дел.
Когда же явилась благость и человеколюбие Спасителя нашего Бога, – то не по делам праведности, которые бы мы сотворили, но по Своей милости Он спас нас чрез купель возрождения и обновления Духом Святым, Которого Он излил на нас обильно чрез Иисуса Христа, Спасителя нашего, чтобы мы, оправданные Его благодатью, стали наследниками в надежде жизни вечной.

Евангелие от Матфея (глава 3: 13–17)

В то время приходит Иисус из Галилеи на Иордан к Иоанну креститься от него. Иоанн же препятствовал Ему, говоря: "Мне нужно от Тебя креститься, а Ты приходишь ко мне?" Но Иисус в ответ сказал ему: "Допусти сейчас; ибо так подобает нам исполнить всякую правду". Тогда он допускает Его. И, крестившись, Иисус тотчас вышел из воды; и вот, открылись Ему небеса, и увидел Он Духа Божия, нисходящего как голубь и спускающегося на Него. И вот, голос с небес, говорящий: "Это – Сын Мой Возлюбленный, на Котором Мое благоволение!".

Задосто́йник (Вме́сто "Досто́йно есть…"):

Велича́й, душе́ моя́, Честне́йшую го́рних во́инств, Де́ву Пречи́стую Богоро́дицу.

Недоуме́ет всяк язы́к благохвали́ти по достоя́нию, изумева́ет же ум и преми́рный пе́ти Тя, Богоро́дице, оба́че, Блага́я су́щи, ве́ру приими́, и́бо любо́вь ве́си Боже́ственную на́шу: Ты бо христиа́н еси́ Предста́тельница, Тя велича́ем.

Великое освещение воды

Тропари на водоосвящении, глас 8

Глас Господень на водах вопиет, глаголя: приидите, приимите вси Духа премудрости, Духа разума, Духа страха Божия, явльшагося Христа. (трижды)

Днесь вод освящается естество, и разделяется Иордан, и своих вод возвращает струи Владыку зря крещаема. (дважды)

Яко Человек на реку пришел еси, Христе Царю, и рабское крещения прияти тщишися, Блаже, от Предтечеву руку, грех ради наших, Человеколюбче. (дважды)

Слава, и ныне: Ко гласу вопиющаго в пустыни, уготовайте путь Господень. Пришел еси, Господи, зрак рабий приим, крещения прося, не ведый греха: видеша Тя воды и убояшася. Трепетен бысть Предтеча, и возопи глаголя: како просветит светильник Света? Како руку положит раб на Владыку? Освяти мене и воды, Спасе, вземляй мира грех.

Паремии (перевод на русский язык)

Пророчества Исаиина чтение (глава 35):

Возвеселится пустыня и сухая земля, и возрадуется страна необитаемая и расцветет как нарцисс; великолепно будет цвести и радоваться, будет торжествовать и ликовать; слава Ливана дастся ей, великолепие Кармила и Сарона; они увидят славу Господа, величие Бога нашего. Укрепите ослабевшие руки и утвердите колени дрожащие; скажите робким душею: будьте тверды, не бойтесь; вот Бог ваш, придет отмщение, воздаяние Божие; Он придет и спасет вас. Тогда откроются глаза слепых, и уши глухих отверзутся. Тогда хромой вскочит, как олень, и язык немого будет петь; ибо пробьются воды в пустыне, и в степи — потоки. И превратится призрак вод в озеро, и жаждущая земля — в источники вод; в жилище шакалов, где они покоятся, будет место для тростника и камыша. И будет там большая дорога, и путь по ней назовется путем святым: нечистый не будет ходить по нему; но он будет для них одних; идущие этим путем, даже и неопытные, не заблудятся. Льва не будет там, и хищный зверь не взойдет на него; его не найдется там, а будут ходить искупленные. И возвратятся избавленные Господом, придут на Сион с радостным восклицанием; и радость вечная будет над головою их; они найдут радость и веселье, а печаль и воздыхание удалятся.

Пророчества Исаиина чтение (глава 55):

Жаждущие! идите все к водам; даже и вы, у которых нет серебра, идите, покупайте и ешьте; идите, покупайте без серебра и без платы вино и молоко. Для чего вам отвешивать серебро за то, что не хлеб, и трудовое свое за то, что не насыщает? Послушайте Меня внимательно и вкушайте благо, и душа ваша да насладится туком. Приклоните ухо ваше и придите ко Мне: послушайте, и жива будет душа ваша, — и дам вам завет вечный, неизменные милости, обещанные Давиду. Вот, Я дал Его свидетелем для народов, вождем и наставником народам. Вот, ты призовешь народ, которого ты не знал, и народы, которые тебя не знали, поспешат к тебе ради Господа Бога твоего и ради Святаго Израилева, ибо Он прославил тебя. Ищите Господа, когда можно найти Его; призывайте Его, когда Он близко. Да оставит нечестивый путь свой и беззаконник — помыслы свои, и да обратится к Господу, и Он помилует его, и к Богу нашему, ибо Он многомилостив. Мои мысли — не ваши мысли, ни ваши пути — пути Мои, говорит Господь. Но как небо выше земли, так пути Мои выше путей ваших, и мысли Мои выше мыслей ваших. Как дождь и снег нисходит с неба и туда не возвращается, но напояет землю и делает ее способною рождать и произращать, чтобы она давала семя тому, кто сеет, и хлеб тому, кто ест, — так и слово Мое, которое исходит из уст Моих, — оно не возвращается ко Мне тщетным, но исполняет то, что Мне угодно, и совершает то, для чего Я послал его. Итак вы выйдете с веселием и будете провожаемы с миром; горы и холмы будут петь пред вами песнь, и все дерева в поле рукоплескать вам. Вместо терновника вырастет кипарис; вместо крапивы возрастет мирт; и это будет во славу Господа, в знамение вечное, несокрушимое.

Пророчества Исаиина чтение (глава 12):

И в радости будете почерпать воду из источников спасения, и скажете в тот день: славьте Господа, призывайте имя Его; возвещайте в народах дела Его; напоминайте, что велико имя Его; пойте Господу, ибо Он соделал великое, — да знают это по всей земле. Веселись и радуйся, жительница Сиона, ибо велик посреди тебя Святый Израилев.

Прокимен, глас 3: Госпо́дь просвеще́ние мое́ и Спаси́тель мой, кого́ убою́ся?

Стих: Госпо́дь Защи́титель живота́ моего́, от кого́ устрашу́ся?

Первое послание святого апостола Павла к Коринфянам (глава 10:1-4):

Братья, я не хочу, чтобы вы были в неведении, что отцы наши все были под облаком и все прошли сквозь море; и все в Моисея были крещены в облаке и в море; и все вкусили одну и ту же духовную пищу, и все пили одно и то же духовное питие; ибо пили из духовной скалы, их сопровождавшей. А скала – это был Христос.

Евангелие от Марка (глава 1:9–11):

В то время пришел Иисус из Назарета Галилейского и был крещен Иоанном во Иордане. И тотчас, выходя из воды, увидел разверзающиеся небеса и Духа, как голубя, нисходящего на Него. И голос раздался с небес: "Ты – Сын Мой Возлюбленный, на Тебе Мое благоволение".

Тропарь праздника, глас 1

Во Иoрдане крещающуся Тебе, Господи, Тройческое явися поклонение: Родителев бо глас свидетельствоваше Тебе, возлюбленнаго Тя Сына именуя,  и Дух в виде голубине извествоваше словесе утверждение. Явлейся Христе Боже и мир просвещей, слава Тебе.

Кондак праздника, глас 4

Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси, Свет Неприступный.

Стихира Праздника, глас 6

Воспоим, вернии, еже о нас Божия благодеяния величество: о нашем бо прегрешении быв Человек, нашим очищением очищается во Иордане, Един Чистый и Нетленный, освящаяй мене и воды и главы змиев сокрушаяй в воде. Почерпем убо воду с веселием, братие: благодать бо Духа верно почерпающим невидимо подавается от Христа Бога и Спаса душ наших.

Нескучный сад - 17.01.2014.

 

 
Читайте другие публикации раздела "Православные христианские праздники"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru