Православные каноны
Канон святителю Василию Великому
Святитель Василий Великий - один из величайших
богословов и гимнографов, толкователь Писания, церковный
благотворитель, аскет, приложил усилия для включения
в общецерковную жизнь и упорядочения монашества, до
этого развивавшегося стихийно. Активнейший
обличитель арианства. Церковь называет его
Вселенским учителем. Ему молятся об укреплении веры,
монашеского служения, обращения еретиков и маловеров, обращаются за
помощью в учебе, делах благотворительности и вообще
во всяком занятии. Издавна считается покровителем
садов и огородов, которому молятся о даровании щедрого урожая
Творение Иоанна
Дамаскина
Память: 1 января / 14 января, 30 января / 12 февраля
(Собор вселенских учителей)
Святитель Василий Великий, архиепископ Кесарии Капподакийской
Глас 2
Песнь 1
Ирмос: Грядите, людие, поим песнь
Христу Богу, раздельшему море и наставльшему люди, яже
изведе из работы египетския, яко прославися.
Припев: Святителю отче Василие,
моли Бога о нас.
Твоему гласу подобаше приити, Василие,
начати хотящим хвалы твоя, но, отче, мольбу прием,
благодать подавай независтно нам. Добродетелей ты жестокий шествовал еси
путь, в гладкий достигл еси и несопротивный Небесный
восход и всем явился еси образ, Василие.
Страстное взыграние, томящее плоть,
любомудрия желанием наказал еси, темже в нетленных
водворяешися Царствиих, отче Василие. Душевныя страсти благопотребно, Василие,
вкупе же и телесныя, духовным посекл еси мечем, себе же
Владыце жертву принесл еси.
Слава Отцу, и Сыну, и Святому Духу.
Ты, быв неизреченных таинник, Василие, Христову Царствию тайнонаучил еси,
священне отче, яве Троический свет облистал еси нам.
И ныне и присно, и во веки веков. Аминь.
Богородичен: Кто изрещи Твое по
достоинству возможет, еже паче слова зачатие? Бога бо
родила еси плотию, Всечистая, нам явльшася Спаса и
Господа.
Песнь 3
Ирмос: Утверди нас в Тебе,
Господи, Древом умерщвлей грех, и страх Твой всади в
сердца нас, поющих Тя.
Припев: Святителю отче Василие
моли Бога о нас.
Спритече Христову и спросия память твоя,
отче, Рождеству, Егоже несказанное таинство твоими
ученьми яве сотворил еси. Страхом Господним утверждаем, начало бо
мудрости сей есть, любовию лучшею вперился еси
премудрости, о Василие.
Наказания быв всякаго исполнен, не токмо
дольнаго и попираемаго, много же паче лучшаго, показался
еси миру свет, Василие.
Слава Отцу, и Сыну, и Святому Духу.
Василие премудре, вшел еси
деянием, и деяние вшествие видения Божественнейшаго
показал еси, и сущих разуму научился еси яве.
И ныне и присно, и во веки веков. Аминь.
Богородичен: Безсеменно во чреве Бога
зачала еси и раждаеши несказанно воплощенна, на Негоже
зрети не смеют, Чистая, Небесных силы, Приснодево.
Господи, помилуй, трижды.
Седален, глас 8
Премудрости слова навык и писание закона
отложив, всем проповедал еси благодати слово и душ
скрижали угладил еси словесы твоими, в нихже начертал
еси Божественная учения. Темже и мрак прошед облаком
покрова телесе, и просиял еси духом, святителю Василие.
Моли Христа Бога грехов оставление подати чтущим любовию
святую память твою.
Песнь 4
Ирмос: Услышах, Господи, слух
Твоего смотрения, и прославих Тя, Едине Человеколюбче.
Припев: Святителю наш Василие
моли Бога о нас.
Украшается Рождеством Христова невеста
Церковь, тако и памятию твоею, всеблаженне. Непреборим явился еси, по Бозе боря,
Василие, во всех Того повелению покаряяся.
Церкви подадеся от Бога ограждение и
стена тверда, Василие всеблаженне.
Слава Отцу, и Сыну, и Святому Духу.
Сопротивобожным сечиво ты
секательное и огнь, поядаяй прелесть, явился еси, отче
Василие.
И ныне и присно, и во веки веков. Аминь.
Богородичен: Молим Тя, Чистая, яже Бога
безсеменно заченши, присно молити за рабы Твоя.
Песнь 5
Ирмос: Света Подателю и веков
Творче, Господи, во свете Твоих повелений настави нас,
разве бо Тебе, иного бога не знаем.
Припев: Святителю наш Василие
моли Бога о нас.
Водит воистину сугуб Церковь праздник
днесь обрезания, яко младенца Владыки, явльшагося на
земли, и память раба, мудра и треблаженна. Непостижимый свет почив в тебе,
преподобне, пресветлу свещу миру тя показа Христос,
темже память твою поем, Василие.
Всетемно написанное в Синаи бытие
Моисеем, ты, сказуя от Божественных сокровищ, начертал
еси всем, преблаженне Василие.
Слава Отцу, и Сыну, и Святому Духу.
Ни законоположник Моисей,
ни первее закона Иосиф бысть, иже по тебе пищи
пшеницомеритель: Божественныя бо плоти сам раздробитель
явился еси, Василие.
И ныне и присно, и во веки веков. Аминь.
Богородичен: Тебе, рождшей Христа, всех
Содетеля, зовем: радуйся, Чистая, радуйся, Свет
возсиявшая нам, радуйся, вместившая Бога Невместимаго.
Песнь 6
Ирмос: Бездна мя многа греховная
окружает, и вопию Ти, пророка подражаяй: от тли мя,
Господи, возведи.
Припев: Святителю наш Василие
моли Бога о нас.
Напитал еси души, тающия гладом, нищих
обильно и алчущих сердца всякаго исполнил еси, Василие,
Божественнаго веселия. Напитал еси, богатно алчущия пищею
Небесною: хлеб бо Ангельский есть слово твое, Василие,
имже изряден пшеницодавец был еси.
Собрал еси пчельный, Василие, люботрудно
добродетели всякия цвет и, худог быв, в нихже
ублажаешися.
Слава Отцу, и Сыну, и Святому Духу.
Потщался еси мира
отлучитися и с Богом пожити, темже нестоятельная и
тленная, всеблаженне Василие, оставль, пребывающая, яко
мудр, стяжал еси.
И ныне и присно, и во веки веков. Аминь.
Богородичен: Спаси от бед рабы Твоя,
Богородице, яко вси по Бозе к Тебе прибегаем, яко к
Нерушимей Стене и Предстательству.
Господи, помилуй, трижды. Слава, и ныне:
Кондак, глас 4
Явился еси основание непоколебимое
Церкве, подая всем некрадомое господьство человеком,
запечатлея твоими веленьми, небоявленне Василие
преподобне.
Икос:
Целомудрия чаша, уста премудрости и
степень учений, Василий Великий всем облистает мысленно.
Приидите убо, и станем в дому Божии, тепле взирающе,
чудесы сего красящеся, якоже лучею, облиставшеся жития,
чистым духом прохлаждшеся, подобящеся того вере, и
теплоте, и смирению, имиже дом явися естества Божия. К
немуже вопиюще, поем: небоявленне Василие преподобне.
Песнь 7
Ирмос: Образу златому, на поле
Деире служиму, трие Твои отроцы небрегоша безбожнаго
веления, посреде же огня ввержени, орошаеми, пояху:
благословен еси, Боже отец наших.
Припев: Святителю наш Василие
моли Бога о нас.
Образ Отца Сын, и Сына Дух есть. Ты же
Духа, о Василие, несквернено зерцало, дом же всея
Троицы. Блаженна память твоя, и славящии ю
воспрославляются. Углубив ум во глубины Божия непостижимыя
и собрав многоценный ты бисер разума, наполнил еси мир
премудростию и звати научил еси: благословен еси, Боже
отец наших.
О, едино дохновение ума священных
сопруг, якоже едина душа во двою телесех нераздельно: в
Григории Василий, желанием Божественным совокуплени, в
Василии же Григорий, ныне молите Христа о стаде вашем.
Отец сирот, и вдов защитник, и богатство
нищих, болящих утешение и сущих в богатстве окормление,
старости жезл явился еси, и наказание юности, и
монашествующих добродетели правило, Василие.
Слава Отцу, и Сыну, и Святому Духу.
Очистив от всякаго тиннаго
сквернения ум, Василие, сразсмотрил еси духовная
желанным твоим духом. Темже, воспевая Троицу, со
дерзновением взывал еси: благословен еси, Боже отец
наших.
И ныне и присно, и во веки веков. Аминь.
Богородичен: Тя купину Моисей в горе
Синайстей огнепалиму, Чистая, провидяше, приемшую
неопально нестерпимую зарю Неизглаголаннаго Существа,
соединившагося дебельству плоти единыя в Нем святых
Ипостасей.
Песнь 8
Ирмос: Неизреченною мудростию
составльшаго всяческая Бога Слова и от не сущих во еже
быти приведшаго, благословите, дела, яко Господа, и
превозносите во вся веки.
Припев: Святителю наш Василие
моли Бога о нас.
Несказанным Промыслом даровавшаго
Василия миру, свет благочестия, трубу же Богословия,
благословите, дела Господня, Господа. Богатным действом всельшася в мудраго
Василия и тем благочестно Богословившаго, благословите,
дела Господня, Господа.
Божественных твоих словес насладившиися,
Василие, непрестанно в твоей памяти торжествующе,
вопием: благословите, дела Господня, Господа.
Слава Отцу, и Сыну, и Святому Духу.
Лучи словес испустил еси,
Василие, миру, светом наставляющия Едино чествовати
Тройческое Естество: благословите, дела Господня,
Господа.
И ныне и присно, и во веки веков. Аминь.
Богородичен: Из Отца, прошедшаго прежде
век, и безлетнаго Бога Слова и в последняя возсиявша из
Девы, благословите, дела Господня, Господа.
Песнь 9
Ирмос: Яже прежде солнца
светильника Бога, возсиявшаго, плотски к нам пришедшаго
из боку Девичу, неизреченно воплотившая, Благословенная,
Всечистая, Тя, Богородице, величаем.
Припев: Святителю наш Василие
моли Бога о нас.
Перваго пастыря, яко овча верное
Христово, Василие, живоносным стопам последовал еси,
мучителю бо твою душу, отче, предал еси, доблественне
предбедствуя о Церкви, всеблаженне.
Церковное всесвященное Христово видев
совокупление, твоим украшено святительством, мудре,
всегубитель, яко от грома, тресновен быв, падеся
мучитель, сущия бо в тебе Духа зари не стерпе, Василие.
Слава Отцу, и Сыну, и Святому Духу.
Апостолов седалища, лика
же страдалец Христовых, патриархов скинии, и праведных
сладости, и радости пророков сподобился еси, Василие:
Богородицы бо служитель и Троицы таинник был еси.
И ныне и присно, и во веки веков. Аминь.
Богородичен: Превыспренняя водами
покрываяй Един Господь, востязуяй море, бездны же
изсушаяй, из Тебе, Чистая, плоть восприемый, от Вифлеема
тщится ко Иордану креститися плотию.
Светилен
Любомудрия желанием обрезал еси, отче,
души твоея покрывало, и миру показался еси, яко солнце,
чудесы, и верных озарил еси мысли, Богомудре, Троицы
таинниче, о Василие мудре, и служителю Богородицы.
***
Молитва святителю Василию Великому, архиепископу Кесарии Капподакийской:
- Молитва святителю Василию Великому, архиепископу
Кесарии Капподакийской. Святитель Василий
Великий - один из величайших богословов и
гимнографов, толкователь Писания, церковный
благотворитель, аскет, приложил усилия для включения
в общецерковную жизнь и упорядочения монашества, до
этого развивавшегося стихийно. Активнейший
обличитель арианства. Церковь называет его
Вселенским учителем. Ему молятся об укреплении веры,
монашеского служения, обращения еретиков и маловеров, обращаются за
помощью в учебе, делах благотворительности и вообще
во всяком занятии. Издавна считается покровителем
садов и огородов, которому молятся о даровании щедрого урожая
Акафист святителю Василию Великому:
Канон святителю Василию: Великому
Житийная и научно-историческая литература о мученице Валентине Кесарийской:
Труды святителя Василия Великого:
- "Беседа первая. О посте"
- "Беседа вторая. О посте"
- "Беседа третья. На слова: внемли себе"
- "Беседа четвертая. О Благодарении"
- "Беседа пятая. На память мученицы Иулитты"
- "Беседа шестая. На слова из Евангелия от Луки"
- "Беседа седьмая. К обогащающимся"
- "Беседа восьмая. Говоренная во время голода и засухи"
- "Беседа девятая. О том, что Бог не виновник зла"
- "Беседа десятая. На гневливых"
- "Беседа одиннадцатая. О зависти"
- "Беседа двенадцатая. На начало книги Притчей"
- "Беседа тринадцатая. Побудительная к принятию святого крещения"
- "На упивающихся"
- "Беседа пятнадцатая. О вере"
- "Беседа шестнадцатая. На слова: В начале бе Слово"
- "Беседа семнадцатая. На день святого мученика Варлаама"
- "Беседа восемнадцатая. На день святого мученика Гордия"
- "Беседа девятнадцатая. На день святых четыредесяти мучеников"
- "Беседа двадцатая. О смиренномудрии"
- "Беседа двадцать первая. О том, что не должно прилепляться к житейскому, и о пожаре, бывшем вне церкви"
- "Беседа двадцать вторая. К юношам о том, как пользоваться языческими сочинениями"
- "Беседа двадцать третья. На день святого мученика Маманта"
- "Беседа двадцать четвертая. Против савеллиан, Ария и аномеев"
- "Беседа двадцать пятая. О милости и о суде"
- "Беседа двадцать шестая. Утешение больному"
- "Гомилия на Святое Рождество Христово"
- "Из двадцать седьмой главы книги о Святом Духе, к блаженному Амфилохию"
- "Из двадцать девятой главы книги о Святом Духе, к блаженному Амфилохию"
- "Каноническое послание первое к Амфилохию епископу Иконийскому"
- "Каноническое послание второе к Амфилохию епископу Иконийскому"
- "Каноническое послание третье к Амфилохию епископу Иконийскому"
- "Каноническое послание к хорепископам"
- "Письмо Григорию брату о различии сущности и ипостаси"
- "Послание к Григорию пресвитеру"
- "Послание к Диодору епископу Тарскому"
- "Послание к епископам"
- "Нравственные правила"
- "Подвижнические уставы подвизающимся в общежитии и в отшельничестве"
- "Правила, кратко изложенные в вопросах и ответах"
- "Правила, пространно изложенные в вопросах и ответах Большой Аскетикон"
- "О подвижничестве"
- "О Предании Церковном"
- "О Святом Духе"
- "Опровержение на защитительную речь злочестивого Евномия"
- "Наставление священнику, которому предстоит служить св. Литургию"
- "Коленопреклоненные молитвы на Троицу"
- "Сотницы"
- "Письма к разным лицам. Часть первая"
- "Письма к разным лицам. Часть вторая"
- "Письма к разным лицам. Часть третья"
- "Беседы на псалмы"
- "Беседы на Шестоднев"
- "Толкование на книгу пророка Исаии"
|
