Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные акафисты / Акафист священномученику Владимиру Шикину


Православные акафисты

Акафист священномученику Владимиру Шикину, иеромонаху Дивеевскому

Кондак 1

Избрание Божественное людем на обновление сердечное тя постави, Яко путь един непрелестен ко спасению из бездны смертныя, нетленный отче; Неоскудение Божие смирением в души нашя привлекаеши, В новаго человека нас облекаеши, Да в Новом Иерусалиме сердца воспоем ти: Радуйся, священномучениче Владимире Новый, душ наших преображение!

Икос 1

Ангел покаяния святый Иоанн Предтеча Христов тя измлада устави в любокрестнем жертвеннем служении, самозабвенно братию ущедряти внушая непрестанно, от сея убо братии прими моление малое сие:

Радуйся, себе возненавидевый.

Радуйся, всех возлюбивый.

Радуйся, страстей умертвие.

Радуйся, души воскресение.

Радуйся, от прелести хранителю.

Радуйся, ко Спасу окормителю.

Радуйся, священномучениче Владимире Новый, душ наших преображение!

Кондак 2

Видящие отрока чистаго никакоже себе от скорби и боли сердечныя скрывающаго, слезы сочувствия паче всякаго инаго утешения возлюбившаго, во изумлении Богу вопиют: Аллилуия.

Икос 2

Разум в сердце от юности погружая, очищая и освящая, приял еси от Создателя нашего талантов множество, да их на служение нашему покаянию обратиши и нас нелицемерно ко Христу приведеши, тебе могущих благодарственно пети:

Радуйся, сокрушение сердца.

Радуйся, о злобах наших каяйся.

Радуйся, любве источниче.

Радуйся, покаяния учителю.

Радуйся, чистоты образе.

Радуйся, неба жаждо.

Радуйся, священномучениче Владимире Новый, душ наших преображение!

Кондак 3

Сила Вышняго в немощи совершается, сего ради научи тя Премудрость немощнейшим ся зрети, да во оную Десницу Божия Силы облечешися, дары Божии щедро расточая, нас Тому пети научая: Аллилуия.

Икос 3

Имуще нрав агнчий, скорбию в житии земнем насыщался еси; алкал убо еси о людстем очищении и вразумлении, сего ради и душу свою на олтарь сей яко жертву предложил еси, да в Бозе воздадим ти немощно:

Радуйся, помоще наша.

Радуйся, радости друже.

Радуйся, уныния вороже.

Радуйся, отчаяния бегство.

Радуйся, бесовом нестерпимый.

Радуйся, ангелами возлюбленный

Радуйся, священномучениче Владимире Новый, душ наших преображение!

Кондак 4

Бурю Богоборчества и святозабвения ужасаяся в земли нашей зрел еси, душу свою с Русью Святою сочетавая и на Воскресение оныя в ны надежду вселяя, да славим Троицу присно: Аллилуия.

Икос 4

Слыша охлаждение ревности и верности в нас земнородных и - увы! -плотяных горце, возгореся стоянием во истине, смиренный Владимир, да отвергнутое душами нашими, подъем, понесет - хранение сердца от гибельнейших блазнений, сего ради смиренно к тому припадем стеня:

Радуйся, крест наш за нас подъявый.

Радуйся, нам безсильным во онаго несении пособляяй.

Радуйся, похвалы не хотевый.

Радуйся, о нас болезнуяй.

Радуйся, радосте наша.

Радуйся, о нас прежде нас рыдавый.

Радуйся, священномучениче Владимире Новый, душ наших преображение!

Кондак 5

Богоубийственнии же жидове богохуление паче Богословия возлюбивши, сатане покорившеся, того ненависть на Русь всестрадальную призваша, да обратит аще возможно в ропот наше пение: Аллилуия.

Икос 5

Видеша бесове яко язва бесовом Матерь Божия наущает чад своих за вся Богу славу пети, похотеша убо ум наш нераскаянностию затмити, оным же противостояще пастыря Божия славим:

Радуйся, Матере Божия любимче.

Радуйся, святаго Серафима служителю.

Радуйся, Царя-Искупителя Николая верноподданный.

Радуйся, преподобномученице Елисавете сомилосердный.

Радуйся, старца Сампсона многострадальнаго моливый.

Радуйся, подвигоположника Христа умоливый.

Радуйся, священномучениче Владимире Новый, душ наших преображение!

Читайте также:

  • Православные акафисты и каноны - постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
  • Православный молитвослов - постоянно пополняемый сборник православных молитв, канонов, псалтырь, толкования на молитвы и многое другое.

***

Кондак 6

Проповедник покаяния за Царя явился еси отче Дивеевский, ведяще, яко той Единый возможет от антихристовы злохитрости защитити ны и спасти, моли да устоим в покаянии и присно Бога прославим: Аллилуия.

Икос 6

Возсия в Четвертем Земнем Уделе Царицы Небесныя обличитель тайны беззакония, тайный подвижник и монах Владимир Новый, духа антихристова искоренитель и истребитель, нас в Дусе Божием хранит поющих:

Радуйся, отче дражайший.

Радуйся, любве живая.

Радуйся, жизни Подателя стяжавый.

Радуйся, в нас Того призвавый.

Радуйся, слезное очищение.

Радуйся, бане духовная.

Радуйся, священномучениче Владимире Новый, душ наших преображение!

Кондак 7

Хотящему Владимиру у Бога отраду улучити и утешитися лишше на Небеси восхотевшему, Матерь Божия при постризе Образ Свой Отраду и Утешение вручает и за самопожертвование вечную радость обетует да Богу зовет: Аллилуия.

Икос 7

Новый священномученик за Христа сотворися священник и в монашестве безкровный мученик, обаче и некое таинство являя неземное, с Новаго Небесе слышит малое наше пение:

Радуйся, душ пробудителю.

Радуйся, гордыни прогнание.

Радуйся, злобу бесовскую посрамивый.

Радуйся, за Русь Святую вся силы отдавый.

Радуйся, зове с Небесе.

Радуйся, откличе в душах наших.

Радуйся, священномучениче Владимире Новый, душ наших преображение!

Кондак 8

Странное таинство видим неизреченное, како место херувима со оружием огненным заступает священный Владимир со оружием Крестным, и покаянием роди в рай препровождает, Богу вопиющия: Аллилуия.

Икос 8

Весь бе благодать покаянием и смиренномудрием Владимир, егоже беси не терпят зрети и наименованным слышати, во ужасе исходят из обдержимых, оному врачу вопиющих:

Радуйся, душ и телес врачу.

Радуйся, сему врачеванию у Апостола Луки научивыйся.

Радуйся, Единаго Врача Христа проповедавый.

Радуйся, Единаго врачевателя Духа Святаго искавый.

Радуйся, Источника здравия и живота Бога Отца уведевый.

Радуйся, от Бога Троицы дар чудотворения смиренно приявый.

Радуйся, священномучениче Владимире Новый, душ наших преображение!

Кондак 9

Всякий грех молитвою безмолвною пред очеса исповедников представляеши и слезною банею и жаром любве оный потребляеши, да ни в коем же гресе прогневаем Бога поя: Аллилуия.

Икос 9

Ветия быв словесный, ветийство духовное предпочел еси всякой хитрости, страсти пожигая в нас силою Христовою и молитвами Богородицы всемирную проповедь Серафимова покаяния Руси обещаеши и слышиши:

Радуйся, семейства благаго отче.

Радуйся, Царской Семье оную уподобивый.

Радуйся, оплоте Православия.

Радуйся, радование паствы Русския.

Радуйся, сыном Божиим соделавыйся.

Радуйся, нас Богу усыновляяй.

Радуйся, священномучениче Владимире Новый, душ наших преображение!

Кондак 10

Спасти хотящему мiр Спасителю непрестанную сокрушенносердечную молитву стяжавый, от мiрскаго духа нам свободитися помози и умилосердися нашей нераскаянности и горю, да воспоим с тобою Спасу: Аллилуия.

Икос 10

Стеною станет девам Серафимовым до небес канавка Дивеевская, идеже киновию Преподобный устроити обетует, убо моли расширитися стене сей да души нашя вместит, поющия:

Радуйся, утешение.

Радуйся, отрадо.

Радуйся, покаяние.

Радуйся, прощение.

Радуйся, безмолвие умное.

Радуйся, плачу сердечный.

Радуйся, священномучениче Владимире Новый, душ наших преображение!

Кондак 11

Пение сомолитвенное возносит с тобою отрок Арсений, о спасении Сербии и нашея многогрешныя страны свою кровь чистую Богу со Цесаревичем Алексием приносит и волит ны видети Богу поющими: Аллилуия.

Икос 11

Свет разума Христова заградити хотящих врагов Православия обличает печальник Русский, яко неправедно присвояющих погибельныя числа человеком во имени место, лишая я покаяния и обращения, об онех отче плачем с тобою:

Радуйся, слез не жалевый.

Радуйся, всем спастися желавый.

Радуйся, никакоже могущий тоща и неутешена отпустити человека.

Радуйся, сторицею воздаяние за труды всеусердныя приемый.

Радуйся, наш помощниче в бедах.

Радуйся, немощи нашея укрепителю.

Радуйся, священномучениче Владимире Новый, душ наших преображение!

Кондак 12

Благодатныя Новыя Руси образ нам являеши, егоже со страхом и благоговением в тишине духа молимся Богу о помиловании и присном нашем Ему зове: Аллилуия.

Икос 12

Поюще нетелесностию ангельскою пронизаннаго и нематериальность в телеси нетленно показующаго, жаждем уподобитися такожде Богу якоже и сей страдалец благий Владимир уподобился, от рабов же Того слышит ныне:

Радуйся, Богоподобия образе.

Радуйся, Богослове молитвою чистою.

Радуйся, Боголюбия человеколюбием явление.

Радуйся, Богоблаженне упокоивыйся.

Радуйся, божиих рабов не покинувый.

Радуйся, Бога о тех присно моляй.

Радуйся, священномучениче Владимире Новый, душ наших преображение!

Кондак 13

О неустанный содержителю души в Дусе Святом Покаяния, сподоби нас твоими к Богородице молитвами Сыну Ея угождати на всякое время живота нашего, иного бо не требуем, кроме пения вечнаго: Аллилуия, Аллилуия, Аллилуия.

Сей Кондак читается трижды, затем Икос 1 и Кондак 1.

Молитва священномученику Владимиру (Шикину) Новому

Востекий к Троице и поприще земное блаженнейше завершивый, великий о Господе отче Владимире Дивеевский; смерть за место отчаяния чад твоих восприявый, да твоими выстраданными молитвами во уповании спасительном не оскудеют, и ценою горячих слез твоих личину антихристову презрят и коварство его гибельное гневно ногами поперут, прекрасни бо суть нозе благовествующих мир и спасение покаянием, Воскресение Крестом и одухотворение смиренным терпением туги сердечныя.

Отче святый Владимире! Подаждь нам на всякое время дух покаяния, иного бо не требуем и несьмы достоини большаго или лучшаго чесо. Но да возлюбим тобою явленное нам покаяние паче всякия гордыя прелести и самолюбования и саможаления окаяннаго!

Господи Спасе Иисусе Христе, молитвами пастыря Владимира Дивеевскаго помилуй нас грешных. Аминь.

Тропарь  священномученику Владимиру (Шикину) Новому, глас 2

Память праведнаго с похвалами преподобие же в душе яко вертоград насадившаго Владимира ущедри Господь радостию на горе моления постави яко и потоки клевет радостно претерпе тако и ныне не устает пещися о стране Российстей - Доме Богородицы.

Иной тропарь священномученику Владимиру (Шикину) Новому

В Четвертом Уделе Божия Матере воссиял еси, всех притекающих к тебе на путь покаяния наставлял еси, Царя-искупителя России Николая усердный почитателю, козней слуг антихриста дерзновенный обличителю, душу свою за паству свою положивый, священномучениче Владимире, моли Христа Бога, да воскресит Русь Святую покаянием, дарует нам Царя-Победителя, и спасет души наша.

Кондак священномученику Владимиру (Шикину) Новому, глас 5

Жар души, сердца боль, но и жажда утешение даровати грешнику - сие есть Новый Священномученик Владимир Дивеевский, Царя-Мученика друг, антихриста же погубитель, той Пастырь и нас да спасет, яко мощен мольбою к Троице, Матери Бога и Старцу Серафиму.

Величание

Величаем тя, святый священномучениче Владимире Новый, и чтем честная страдания твоя, яже за Христа, во утверждение на Руси покаяния, претерпел еси.

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru