Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Авторы
• Карта сайта
• RSS-рассылка
• Новые статьи
• Фильмы
• 3D-экскурсия

• Это наша вера
• Каноны Церкви
• Догматика
• Благочестие

• Апологетика
• Наши святые
• Библиотека
• Миссия

• Молитвослов
• Акафисты
• Календарь
• Праздники

• О посте

• Мы - русские.
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Католичество
• Протестантизм
• Лжеверие

• Секты
• Оккультизм
• Психокульты

• Лженаука
• Веганство
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о помощи нашему проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные акафисты / Акафист второй мученицам Минодоре, Митродоре и Нимфодоре


Православные акафисты

Акафист второй мученицам Минодоре, Митродоре и Нимфодоре

Кондак 1

Избранные Божьи угодницы, всехвальные девы Минодоро, Митродоро и Нимфодоро, венцами славы Божественныя украшенные и в чертози Отца Небеснаго через веру и страдания пришедшие, пение похвальное от усердия приносяще, молим вы и просим: яко имущее велие дерзновение ко Пресвятой Троице, предстательством вашим от всяких бед нас свободите, и наследники Царствия Небеснаго нас соделайте, да благодарственно вам вопием:

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Икос 1

Ангелов Творец и всея твари Зиждитель, во Святый Троице Единый и разуму нашему до конца непостижимый, по образу и подобию Своему человека сотворивый, благоволи призвати вас, всехвальные девы, на служение во славу Свою; вы же подвигом добрым на земли во имя Троицы Святыя подвизались есте, и мученически живот свой скончавше, радость нетленную обрели есте на небесех, идеже молите Предвечного Бога о всех, вопиющих вам сице:

Радуйтеся, Отца Небеснаго дщерие возлюбленные.

Радуйтеся, Сына Божьего невесты прекрасные.

Радуйтеся, Духа Святаго сосуди благоуханные.

Радуйтеся, о вечном спасении нашем Святую Троицу умоляющие.

Радуйтеся, от страстей греховных сердца наши освобождающие.

Радуйтеся, в добродетелях христианских нас утверждающие.

Радуйтеся, во обстояниях скорбных нам помогающие.

Радуйтеся, недуги телесные и язвы душевные исцеляющие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 2

Видевше, святые девы, яко бози языческия суть "сребро и злато, дела рук человеческих (Пс. 113:12, 16), и, отвергше тыя, к Богу Истинному во Святей Троице Единому обратилися есте, песнопоя Ему радостную песнь: Аллилуйя.

Икос 2

Разум боголюбивый и ревность по Бозе стяжали есте, всеславные девы Минодоро, Митродоро и Нимфодоро, и Духом Святым вдохновляемые, оставили мир жития в нем многосуетнаго ради, в пустыню безлюдную удалились есте. Мы же, ныне добродетели ваша и благоразумление воспети желая, таковые похвалы вам приносим:

Радуйтеся, единое на потребу, яко благую часть, избравшие.

Радуйтеся, суету земную ни во что же вменившие.

Радуйтеся, небесные сокровиша зело возлюбившие.

Радуйтеся, все упование на Господа возложившие.

Радуйтеся, сим пример смирения нам явившие.

Радуйтеся, от похотей плотских и страстей нас отвращающие.

Радуйтеся, к покаянию во гресех всех нас призывающие.

Радуйтеся, молитвами вашими от вечной гибели нас избавляющие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 3

Силою Христовою соблюдаемые, достохвальные страстотерпицы Минодоро, Митродоро и Нимфодроро, о болезнех телесных небрегли есте, подвигом добрым подвизатися хотяще; тою же силою укрепляемы страданий путь всеславно прошли есте, и прияли есте от Бога власть чудеса различныя творити; да вси, к вам ныне притекающии, исцеления от недуг телесных, паче же душевных получают; Богу же о вас вопиют: Аллилуйя.

Икос 3

Имуще разум и сердце Духом Всесвятым озаренныя, девы достохвальные, усердно подвизались есте в посте и молитве и, самим житием святым вашим, явили есте прообраз подвигов мужей и жен преподобных и сего ради дары благодати Божией достойне прияти сподобились есте. Сего ради в похвалу вам зовем:

Радуйтеся, чистоту свою Жениху Небесному посвятившие.

Радуйтеся, не людей, а суетность жития их отвергшие.

Радуйтеся, не покой земной, а любовь Христову обретшие.

Радуйтеся, приходивших к вам не отвергавшие.

Радуйтеся, болящих от недугов телесных и душевных исцеляющие.

Радуйтеся, сострадати страждущим нас научающие.

Радуйтеся, вам молящихся от рабства диаволу освобождающие.

Радуйтеся, всех нас к подвигу духовному ныне призывающие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 4

Буря ярости и напастей лютых звероподобными гонителями христиан воздвигнутая, не возможе покалебати веры вашея в Триединаго Бога Нашего, Творца всего видимаго и невидимаго; ибо вы, всеблаженные девы Минодоро, Митродоро и Нимфодоро, благодатию Духа Святаго озаренныя, дерзновенно и мужественно противостояли мучителю, укрепляющему вас Господу воспевая: Аллилуйя.

Икос 4

Слышав злочестивый князь Фронтон о преславном и богоугодном житие вашем, богомудрые девы, и чудесах, по молитвам вашим Господом сотворяемым, повеле взяти вас и в чертоги своя привести. Вы же, всехвальные страстотерпицы, разумея, яко несть пользы человеку иже блага мнози обрящет, а душу свою отщетит, отвергли льстивые и безумные глаголы мучителя вашего и Христа Растятого мужемудренно исповедали есте. Мы же, сие ныне поминающе, величаем вас сице:

Радуйтеся, всею душею и всею мыслию Господа возлюбившие.

Радуйтеся, во испытаниях своих веру крепку, яко Авраам, явившие.

Радуйтеся, в злостраданиях терпение твердое, яко Иов, показавшие.

Радуйтеся, не суетному унынию, но Божьему благоволению себе предавшие.

Радуйтеся, неправедному судилищу дерзновенно представшие.

Радуйтеся, путем крестным за Спасителем последовавшие.

Радуйтеся, злобы неверных не устрашившиеся.

Радуйтеся, всемощную силу благодати Божьей познавшие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 5

Боготечной звездою прошла еси в мире сем, страстотерпице преславная Минодоро, яко веру Христову пред обезумевшими мучители дерзновенно исповедала еси; страдания многа и люта мужески претерпела еси и ко Христу Господу и Спасу Нашему радостно востекла еси, Ему же ныне с лики Ангельскими предстошии и немолчно воспеваеши: Аллилуйя.

Икос 5

Видев тебя, пресвятая Минодоро, в вере Христовой твердо и непоколебимо пребывающу, повеле злочестивый князь Фронтон горьким мукам тя предати, дабы через страдания многия и лютия соблазнити тя на поклонение идолам. Ты же биение, тела иссечение и иные муки добропобедно претерпевше, с радостью и молитвою на устех предала еси дух твой в руце Господни. Мы же, вся сия помышляюще, величаем тя сице:

Радуйся, кровию твоею торжество веры истинныя явившая.

Радуйся, язвы Христовы на теле твоем носившая.

Радуйся, веру, надежду и любовь до конца сохранившая.

Радуйся, страстотерпице, вся узы и сети врага растерзавшая.

Радуйся, нетленный венец на небесех от Творца Мира приявшая .

Радуйся, благодать молиться за нас стяжавшая.

Радуйся, правую веру во Святую Троицу хранити нас научающая.

Радуйся, стопы наша на путь спасения направляющая.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 6

Проповедует днесь Церковь Христова подвизи ваша, святые и всеславные девы Минодоро, Митродоро и Нимфодоро, и величает страдания ваши, яже за Христа претерпели есте, умиленно триединому Богу, Дивному во Святых Своих о вас воспевая: Аллилуйя.

Икос 6

Возсияли есте, всеблаженные девы, во подвизех и страданиях ваших, яко светила богосветлыя, просветивше глубокую нощь идолосужения лучами Света Троическаго; сего же ради просим вас, всеславные мученицы; не престайте озаряти темные души наши лучами благодатными, да вас немолчно ублажаем благохвалениями сицевыми:

Радуйтеся, фимиам молитв за нас ко Святей Троице приносящие.

Радуйтеся, милосердие Бога-Отца к нам приклоняющие.

Радуйтеся, о спасении нашем Спасителя умоляющие.

Радуйтеся, плоды Духа Святаго стяжати нам помогающие.

Радуйтеся, свято и праведно Богородицу почитати научающие.

Радуйтеся, кающимся слезы утешительныя низпосылающие.

Радуйтеся, пламень злобный струями любве вашея угошающие.

Радуйтеся, тяжких грешников от рова погибельного исхищающие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 7

Хотящу зверонравному мучителю льстивыми словесы отвратити тя, прехвальная Митродоро, от Бога Истиннаго и в зловерие языческое тя соблазнити, мужественне противостояла еси, глаголя: "не изменю веры моея в Иисуса Христа, Бога Моего, Ему же со Отцем и Святым Духом присно пою и во веки пети буду: Аллилуйя.

Икос 7

Новую показа безчеловечия ярость зверообразный мучитель, егда тебе, всеславная мученице Митродоро, повеле мукам многоскорбным предати. Ты же гнева наместника римского и страданий прескорбных не устрашилася, паки исповедала еси себе христианкою быти и радостно восприяла еси биения, узы железныя, и иныя муки нестерпимыя. Тем же вси, таковому твоему дерзновению дивящеся, глаголем:

Радуйся, злобы мучителей твоих не устрашившаяся.

Радуйся, муки нестерпимыя победно претерпевшая.

Радуйся, страстем Христовым мужественно подражавшая.

Радуйся, подвигами твоими верных христиан возвеселившая.

Радуйся, убелившая ризы своя в крови агнчей на земли.

Радуйся, в лике девственниц предстоящая Божьему Агнцу на небеси.

Радуйся, бремя житейское носити нам облегчающая.

Радуйся, друг друга тяготы носити нас подвизающая.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 8

Странные и страшные муки старших сестер твоих созерцая, пресвятая Нимфодоро, подобно блаженной Наталии, сострадала еси им сердцем любвеобильным твоим и молила Подвигоположника Христа укрепити их во страдании лютом. О сем вспоминая, молим тя, угоднице Христова, сотвори купно со святою Наталиею молитву о нас грешных и научи нас Бога паче всего земнаго любити и чистым сердцем воспевати Ему: Аллилуйя.

Икос 8

Всего душею, всем сердцем и всем помышлением возлюбила еси, святая Нимфодоро, сладчайшего Иисуса, и Имени Его ради муки многобразныя от зверонравнаго князя Фронтона претерпела еси. Мы же, страдания твоя во славу Христову подъятые ныне благодарно вспоминаем и приносим тебе похвалы сия:

Радуйся, прежде телесных мук муки душевные претерпевшая.

Радуйся, от сестер твоих крест страданий приявшая.

Радуйся, крест свой любве ради Божия радостно понесшая.

Радуйся, терпение крепкое во страданиях явившая.

Радуйся, в дому Отца Небеснаго обитель себе сотворившая.

Радуйся, ко Престолу Славы Господа нас ведущая.

Радуйся, уз греховных скорая разрешительнице.

Радуйся, о всех христианах пред Богом теплая молитвеннице.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 9

Вси Ангелы и святых лики возрадовашася радостию велию, егда святые души ваша достигоша вечнаго в обителех райских упокоения, и Сам Творец Ангелов и Святейший святых Царь славы Христос, безсмертия венцы увенча вас и дарова вам благодать молитися Ему со дерзновением многим о всех ищущих вашего заступления, его же не лишите и нас, грешных, достохвальные девы, смиренномудренно воспевающих вам хвалебную песнь: Аллилуйя.

Икос 9

Вития многовещанные не довлеют по достоянию воспети и восхвалити праведные житие и мученическую кончину вашу, богославные девы Минодоро, Митродоро и Нимфодоро; обаче же мы, любовию к вам подвизаемые и надеждою на предстательство ваше окрыляемые, со смирением, любовию и верою таковые похвалы приносим вам:

Радуйтеся, нужды наша ко престолу Божьему возносящие.

Радуйтеся, отраду и утешение верным ниспослающие.

Радуйтеся, светом радости души наши озаряющие.

Радуйтеся, суетную славу мира сего презирати нас научающие.

Радуйтеся, от глада духовнаго нас исцеляющие.

Радуйтеся, грешников ко исправлению направляющие.

Радуйтеся, ходити в заповедех Божьих нас наставляющие.

Радуйтеся, от заблуждений духовных нас избавляющие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 10

Спасти всех желая, благоволи Всемудрый Господь святые мощи ваша, всехвальные мученицы, сохранити и во утешение всем верным явити , святую Гору Афон има благослови; вы же, святые девы, просвещаете всех чтущих вас и припадающих ко целебноносным мощам вашим, яко чудес и молитв ваших ради пробуждаются людие и восходят от жизни греховныя к житию богоугодному, воспевающе Творцу и Спасу Нашему песнь радости и благодарения: Аллилуйя.

Икос 10

Стеною молитв ваших небесных, достохвальные страстотерпицы Минодоро ,Митродоро и Нимфодроро, защитите нас от враг видимых и невидимых, помозите нам в скорбех и нуждах наших, и предстательством вашим благомощным избавите нас от лютых бед и искушений бесовских, утвердите сердца наша по Бозе горети и нелицемерно ближних наших научите любити. Мы же предстательство ваше воспевающе, глаголем вам сице:

Радуйтеся, милостию сострадания твоего всех нас объемлющие.

Радуйтеся, любити Бога и творити волю Его нас научающие.

Радуйтеся, дух любви к ближним в сердцах наших воскресающие.

Радуйтеся, вся благая прошения наша исполняющие.

Радуйтеся, милость и утешение всем верным являющие.

Радуйтеся, всех приходящих к вам благодатию озаряющие.

Радуйтеся, отроков во благочестии укрепляющие.

Радуйтеся, дев и юношей в целомудрии утверждающие.

Радуйтеся, старцем отраду и утешение посылающие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 11

Пение благодарственное приносим вам, благословенные страстотерпицы Минодоро, Митродоро и Нимфодоро, яко в наши многосуетные и прескорбные времена в стране Российстей благовопили есте, явити вновь икону вашу святую, да вси правоверные христиане, взирая на ню, величают Трииспостального Бога Нашего Дивнаго во Святых Своих, вопиюще Ему: Аллилуйя.

Икос 11

Светом Трисиянным озаренные предстоите ныне, пред престолом Царя Царствующих, всеблаженные девы-мученицы Минодоро, Митродоро и Нимфодоро, и оттуда подобно многосветлому светильнику, просвещаете весь мир христианский, разгоняющи мрак, заблуждений и указующи путь к вожделенному Отечеству Небесному. Сего ради, прославляем вас, угодницы Христовы, и вопием вама сице:

Радуйтеся, теплые молитвы за нас возносящие.

Радуйтеся, изнемогающие силы наши ободряющие.

Радуйтеся, окаменелые сердца наши оживляющие.

Радуйтеся, от маловерия и непрощения их очищающие.

Радуйтеся, из пучины отчаянья нас изводящие.

Радуйтеся, к тихому пристанищу нас приводящие.

Радуйтеся, уныние духа нашего возвеселяющие.

Радуйтеся, на милость Божию уповати нас научающие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 12

Благодать Божию и милость нам подати, прощение грехов и исправление жития ниспослати испросите нам у Господа, святые мученицы, и не престайте о нас пред лицем Вседержителя Бога моляще, яко стяжавши к Нему дерзновение многое. О сем же усердно к Вам приподающе, просим и благоумиленно зовем всех Творцу: Аллилуйя.

Икос 12

Поюще Триипостаснаго Бога, Дивнаго во Святых Своих, величаем и славословим вас, святые и всехвальные девы Минодоро, Митродоро и Нимфодоро, ибо вы всеблагомощным предстательством вашим пред престолом Всесвятыя Троицы приклоняете к нам многогрешным милосердие Творца и Господа Нашего; и даруете: семейным – любовь и согласие, чадам – в послушании и благочестии возрастание, воинов от искушений и гибели на поле брани оберегаете и подвизаете нас умиленно славити и воспевати вас сице:

Радуйтеся, в неизреченной славе Творца мира созерцающие.

Радуйтеся, во благоухании святыни присно почивающие.

Радуйтеся, нашим молениям милостиво внимающие.

Радуйтеся, омраченные умы светом Христовым озаряющие.

Радуйтеся, века сего суемудрия отвергати научающие.

Радуйтеся, падающим руку помощи простирающие.

Радуйтеся, от обычаев душетленных сердца наши отвращающие.

Радуйтеся, нравы добрые и благочестие в нас насаждающие.

Радуйтеся, святые девы-мученицы Минодоро, Митродоро и Нимфодоро, благодать и радость нам приносящие.

Кондак 13

О, преславные многострадальные мученицы Христовы, Минодоро, Митродоро и Нимфодоро. Приимите пение сие похвальное от нас, недостойных со умилением и радостию духовной вам молящихся. Возносити святые и всеблагомощные молитвы ваша о всех, память вашу чтущих и на предстательство ваше упование возложивших, и ходатайством вашим у престола Божия, избавите нас от бед, скорбей и болезней, яко да молитвами вашими сподобимся в небесных селениях купно с вами воспевати Триипостоеному Богу Нашему ангельское пение: Аллилуйя.

Сей Кондак читается трижды, а затем Икос 1 и Кондак 1

 

 
Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2016

При использовании наших оригинальных материалов просим указывать ссылку:
Миссионерско-апологетический проект "К Истине" - www.k-иstиne.ru