Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Авторы
• Карта сайта
• RSS-рассылка
• Новые статьи
• Фильмы
• 3D-экскурсия

• Это наша вера
• Каноны Церкви
• Догматика
• Благочестие

• Апологетика
• Наши святые
• Библиотека
• Миссия

• Молитвослов
• Акафисты
• Календарь
• Праздники

• О посте

• Мы - русские!
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Католичество
• Протестантизм
• Лжеверие

• Секты
• Оккультизм
• Психокульты

• Лженаука
• Веганство
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о помощи нашему проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные акафисты / Акафист преподобному Иоанну Лампадисту


Православные акафисты

Акафист преподобному Иоанну Лампадисту

Кондак 1

Избранный Господом от юности своея, болезни ради во иночество от лет малых призванный, Иоанне, достойно восхвалити не возможем мы, любовию чтущии тя. Ты же яко имеяй дерзновение ко Господу, от всяких нас бед и скорбей свобождай, да зовем ти:

Радуйся, Иоанне, целителю и предивный чудотворче!

Икос 1

Ангельскому житию восхотев подражати, от лет малых Библию читати возлюбивши и о жизни иночестей мечташа. Сего ради радостно вопием ти:

Радуйся, дом родителей своих иерея Кириакоса и матушки Анны ради жития иноческаго оставивший.

Радуйся, от юности своея всего себя Господу предавший.

Радуйся, мира сего красоту ни во что же вменивший.

Радуйся, ангельское житие измлада возлюбивший.

Радуйся, чистоту душевную и телесную усердно хранивший.

Радуйся, все помыслы токмо о Боге имевший.

Радуйся, Иоанне, целителю и предивный чудотворче!

Кондак 2

Видяще тя приснии еще юна зело службу Божию любяще и в церкви пребывающа в непрестанной молитве, разумом своим вникая в самую суть с кафедры звучащаго слова Божьего: Аллилуиа.

Икос 2

Разумея Божие в изволении твоем звание работати Господеви, огласил еси родителям своим: "Мой путь есть монастырь, а не узы брачныя". Сего ради чествуем тя похвалами сими:

Радуйся, пламенную любовь ко Христу явивший.

Радуйся, иноческое житие до конца возлюбивший.

Радуйся, в иноческом образе строгий подвиг благочестия показавший.

Радуйся, Божественное Писание не леностно читавший.

Радуйся, от младенчества в любви к Богу воспитание получивший.

Радуйся, в юности же, в жертву Богоприятну Господеви себя принесший.

Радуйся, Иоанне, целителю и предивный чудотворче!

Кондак 3

Силою Божией укрепленный был еси и не убоялся вкусити рыбы запеченной и ядом начиненной из рук отверженной жены с улыбкой на устах, вручивши себя в руки Богу: Аллилуиа.

Икос 3

Имея помысл чист и непорочну душу, отроче Иоанне, с одра встати возмогши, токмо зрения лишися, обидчицу же свою простиша, яко христианин бысть. Сего ради из глубины сердец вопием ти таковая:

Радуйся, яко юн сый паче сверстник, многими добродетельми процвесть возмогший.

Радуйся, мирскаго треволнения избегший.

Радуйся, из детства образ молитвы слезныя возлюбивший.

Радуйся, от отрочестких лет кротким и благим нравом себя украсивший.

Радуйся, узы брачныя на жизнь вечную не променявший.

Радуйся, по Христиански с обидевшими тя поступавший.

Радуйся, Иоанне, целителю и предивный чудотворче!

Кондак 4

Буря уныния и скорби сменилася у родителей твоих, благословивших тя на монашество в монастыре святаго Ираклидия монаси же, весть сею прознаша, благодарили за тя Христа Бога: Аллилуиа.

Икос 4

Слышаше о тебе, постнике и молитвеннике, люди сел окрестных глаголали: "Сей отрок укротил дух свой", ядый единожды в три дня, питая нищих. Сего ради достойно есть величати тя сице:

Радуйся, яко от младаго возраста в посте и молитве преуспевший.

Радуйся, яко с учением книжным паче страху Божию ся обучавший.

Радуйся, яко елико смирял еси ся, толико паче благодатию к возвышению ся уготовлявший.

Радуйся, яко слеп был, Христу яко поводырю ся вручивший.

Радуйся, яко во плоти ангеле Божий, благую весть в печале сущим подававший.

Радуйся, яко выну в трудех и бдениих пребывавший.

Радуйся, Иоанне, целителю и предивный чудотворче!

Кондак 5

Боготечное светило быв еси ты, отроче Иоанне, к солнцу правды Христу привел еси множество заблудших душ, приходивших к тебе послушати глаголы жизни вечныя и вкупе с тобою воспевати хвалебную песнь Пресвятей Троице: Аллилуиа.

Икос 5

Видеша тя, крестьяне селища Андруклосе, вопияше и рыдаше у источника изсохшего, коленопреклоненно просили тя помолитися, твоей дабы смилостивился Господь и дал воду им грешным. Ты же изрек: "По покаянию вашему да будет вам", они же с любовию взываху к тебе сице:

Радуйся, яко и Ираклидий в речке горной купель имевший.

Радуйся, яко зело у мощей его молитися любивший.

Радуйся, яко светом боговедения просвещен бывший.

Радуйся, яко чудеса по воле Господней творивший.

Радуйся, яко заблудшия овцы к пастырю направлявший.

Радуйся, яко ищущим спасения путь в Царствие Божие указывавший.

Радуйся, Иоанне, целителю и предивный чудотворче!

Кондак 6

Проповедует вся страна Кипрская тебя, преблаженнаго Иоанна Лампадиста, болезни различныя исцеляя, бесов изганяя и всех от злых сохраняя, вопиющих к Богу: Аллилуиа.

Икос 6

Возсия свет велий от обители твоея, Иоанне, на Кипре, осияваяй и страну нашу Русскую, ибо лучами добродетелей твоих просвещаеши не токмо притекающих к цельбоносным мощам твоим, но и издалече верою призывающих тя. Озари убо светом Евангелия омраченная грехом сердца наша и укрепи нас во благочестии, да вси радостно взываем ти:

Радуйся, яко звездо, во тьме греховней заблуждающим, светящий.

Радуйся, яко лествице, последующих ти по ступеням добродетелей от земли на небо возводящий.

Радуйся, яко виноград, плод сладок дающий.

Радуйся, яко чаша, пиявший ю, жизнь вечную получающий.

Радуйся, яко кладенец воды живой не изчерпающий.

Радуйся, яко пешь, грехи людския сжигающий.

Радуйся, Иоанне, целителю и предивный чудотворче!

Кондак 7

Хотящу тебе от нынешняго преставитися века и взыти ко Господу, на три дня прозреша, увидевши исперва Пресвятую Троицу, уразумев сие, яко знак свыше простится с миром, каким его создал Бог: Аллилуиа.

Икос 7

Новую церковь построити просише ты, Иоанне, отца своего в просьбе предсмертной возле церкви святаго Ираклидия, дабы почити тамо с миром. Сего ради вопием ти сицевая:

Радуйся, яко зрети Пресвятую Троицу возмогший.

Радуйся, яко тремя днями мир лицезревший.

Радуйся, яко молитвою своею мрачныя демоны прогонявший.

Радуйся, яко Церковь на месте подвигов своих соорудите отца просивший.

Радуйся, яко по морю житейскому ходити крестьян сел окрестных научавший.

Радуйся, яко всяк просяй тя с верою теплою, тощь не отходивший.

Радуйся, Иоанне, целителю и предивный чудотворче!

Кондак 8

Странное чудо сотворил еси ты, егда слуга твой гроздь виноградную сорвавше, благословения на сие не испросивше, на место ея приставил и она привилася, хвалил Бога: Аллилуиа.

Икос 8

Весь Калопанайотис рыдаша, егда ко Господу отошедше, в годах вельми юных, неленостно послуживши Ему на земли, при жизни нареченный "Святым с долины Маратас", приими от нас сицевая:

Радуйся, яко скудным земледельцам помощь подававший.

Радуйся, яко дожди молитвой к Богу низводивший.

Радуйся, яко богатии урожаи людям даровавший.

Радуйся, яко словесных овец окормлявший.

Радуйся, яко мысленных волков отгонявший.

Радуйся, яко малодушных и немощных укреплявший.

Радуйся, Иоанне, целителю и предивный чудотворче!

Кондак 9

Всякое естество ангельское радовашеся о тебе Иоанне, яко небесное житие на земли показал еси, слепотою поражен был, но велик над зрячими показался, ибо зрел очами Божьими: Аллилуиа.

Икос 9

Вития многовещанныя недоумеют достойно восхвалити тя, преподобне Иоанне. Тем паче мы, убозии словом и немощнии разумом, недоумеем како похвальные песни глаголати ти. И дерзаем венчати тя похвалами сими:

Радуйся, яко странник слеп, но прозорливцем великим бывший.

Радуйся, яко рабем непотребным пред всеми представший.

Радуйся, в мире и любви дни жития нашего препроводити повелевающий.

Радуйся, мысли наша памятовати о смерти научающий.

Радуйся, ко всему в мире земному не пристращатися наставляющий.

Радуйся, в сонм преподобных отец вошедший.

Радуйся, Иоанне, целителю и предивный чудотворче!

Кондак 10

Спасти хотяще юношу болезнию падучею болящего, в день воскресный на подвории монастыря приведеннаго, главою своею о камень надгробия твоего ударившися, сам встал в здравии полном, главу токмо потираша, хваляше Бога: Аллилуиа.

Икос 10

Стена крепка есть монастыря имени твоего "О Светлый Отрок Троодоса", идеже у мощей твоих бесов изгоняют. Мы же, ведяще сие, в похвалу тебе, Иоанне, взываем таковая:

Радуйся, бесами повелевати от Господа силу получивший.

Радуйся, бальзам живительный душам верным являющий.

Радуйся, теплоту душевную христианам дарующий.

Радуйся, чувства душ наших к молитве направляющий.

Радуйся, от душепагубного зла нас отвращающий.

Радуйся, страсти душевные исцеляющий.

Радуйся, Иоанне, целителю и предивный чудотворче!

Кондак 11

Пение всеумиленное и моление теплое со свещами горящими у могилы твоея возносили люди и от недуг различных исцеления получая и здравы бываше, хвалили тя и Бога: Аллилуиа.

Икос 11

Свечения таинственнаго из недр земли сподобил еси тя Господь, аки сокровище заключенное, благодать исцелений неоскудную дарова, научая нас пети тебе:

Радуйся, яко врачем не быша, но по воле Божьей врачем ставший.

Радуйся, яко нечистых духов прогонявший.

Радуйся, яко слепым прозрение дававший.

Радуйся, яко глухим слух возвращавший.

Радуйся, яко разслабленных с одра поднимавший.

Радуйся, яко во всех болезнех скорбящих утешавший.

Радуйся, Иоанне, целителю и предивный чудотворче!

Кондак 12

Благодать Божию источают нетварным светом мощи твои, Иоанне, в монастыре имене твоего, идеже верные покланяются и исцеления от них получают и поют о тебе Богу: Аллилуиа.

Икос 12

Поюще подвиги и чудеса твоя, преподобне Иоанне, любовию ублажаем тя, яко многомощнаго молитвенника о нас и предстателя пред Господем нашим. И от избытка сердца похвальная вопием ти сице:

Радуйся, силою крестнаго знамения стрелы бесовския отражавший.

Радуйся, крилома богомыслия сети вражия сокрушавший.

Радуйся, надеждою на помощь свыше себя вооружавший.

Радуйся, незлобием Христовым духа злобы побеждавший.

Радуйся, праведною кончиною святость жития своего показавший.

Радуйся, в чертози Божественныя по успению блаженному вошедший.

Радуйся, Иоанне, целителю и предивный чудотворче!

Кондак 13

О, преподобне Иоанне, светильниче Кипра! Приими сие малое, от любящих сердец приносимое хваление, благоприятным твоим пред Престолом Святыя Троицы предстательством, моли о нас недостойных рабех твоих, еже избавитися нам от належащих бед, внезапныя смерти и вечнаго осуждения, и сподоби со избранными пети Господу песнь великую: Аллилуиа, Аллилуиа, Аллилуиа.

Сей Кондак читается трижды, затем Икос 1 и Кондак 1.

Молитва преподобному Иоанну Лампадисту

О, преподобне Иоанне, угодниче Божий, послушниче Христов и теплый о нас ко Господу молитвенниче, всем притекающим к тебе яко предстателю, испроси помощи в немощах, утешение в скорбях, здравие в недузех душевных и телесных; умоли Господа даровати нам оставление во всех, елика согрешихом от юности нашея в житии сем, делом, словом, помышлением, и всеми нашими чувствы; не забуди нас и в час кончины нашея, егда наипаче твоего заступления смиренно потребуем. Испроси нам у Господа Бога нашего в мире и покаянии скончати живот наш, от мытарств и вечныя муки избавитися и сподобитися Царства Небеснаго, и славити пресвятое имя Его со Безначальным Отцем и Пресвятым Духом во веки веков. Аминь.

Тропарь преподобному Иоанну Лампадисту, глас 8

В тебе, отче, известно спасеся еже по образу приим бо крест последовал еси Христу, и дея учил еси презирати убо плоть, приходит бо: прилежати же о души, вещи безсмертней: тем же и со Ангелы срадуется, преподобне Иоанне, дух твой.

Кондак преподобному Иоанну Лампадисту, глас 2

Чистотою душевною Божественно вооружився, и непристанныя молитвы яко копие вручив крепко, пробол еси бесовская ополчения Иоанне, моли непрестанно о всех нас.

Величание

Ублажаем тя, преподобне отче Иоанне, и чтем святую память твою, наставниче монахов и собеседниче Ангелов.

 

 
Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2016

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru