Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Авторы
• Карта сайта
• RSS-рассылка
• Новые статьи
• Фильмы
• 3D-экскурсия

• Это наша вера
• Каноны Церкви
• Догматика
• Благочестие

• Апологетика
• Наши святые
• Библиотека
• Миссия

• Молитвослов
• Акафисты
• Календарь
• Праздники

• О посте

• Мы - русские.
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Католичество
• Протестантизм
• Лжеверие

• Секты
• Оккультизм
• Психокульты

• Лженаука
• Веганство
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о помощи нашему проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные акафисты / Акафист третий Архангелу Михаилу


Православные акафисты

Акафист третий Архангелу Михаилу

Кондак 1

Возбранному воеводе небесных воинств архангелу Михаилу, песнотворение, иже от скорбных присно избавляемые, воспеваем ти с благодарением, архистратиже Господа Вседержителя; яко имея дерзновение ко Господу, от всех нас бед свободи, да зовем ти:

Радуйся, Михаиле, великий архистратиже, со всеми небесными силами.

Икос 1

Ангел предстатель огненных чинов ты еси, Михаиле начальниче, божественным блистая светом, озаряя всех с любовию поющих тебе сице:

Радуйся, звездо миру светоносная.

Радуйся, свеще закону светозарная.

Радуйся, губительных бесов падение.

Радуйся, падших грехами человеков возведение.

Радуйся, свете непостижимый помыслы благочестивыми.

Радуйся, заре недовидимая очима человеческими.

Радуйся, яко ты промышляеши о нашем спасении.

Радуйся, яко ты печешися о добродетельном совершении.

Радуйся, радости верным подателю.

Радуйся, клятвы земныя губителю.

Радуйся, яко тобою ум наш просвещается.

Радуйся, яко тобою мрак невидения прогонится.

Радуйся, Михаиле, великий архистратиже, со всеми небесными силами.

Кондак 2

Видяще твою пресветлую красоту, архангеле Божий, вси земнии удивляемся: преславный бо твой образ, непостижим нам и чуден является, како невещественному Божеству всегда предстоиши зовый: Аллилуиа.

Икос 2

Разум даруй нам Божественный, Михаиле начальниче и всех предстателю чинов, из уст бо наших скверных. Како мощно твоему пету имени, да тебе молебную принесем песнь сице:

Радуйся, княже страшнаго видения.

Радуйся, исполнение светлости многия.

Радуйся, святых христовых Божественное похваление.

Радуйся, христоименитых мудростий глаголание.

Радуйся, разум безчисленный подаваяй людем.

Радуйся, здравие пречудное раздавая верным.

Радуйся, ангелом преславный воеводо.

Радуйся, демоном претяжкая бедо.

Радуйся, светлейший света солнечнаго.

Радуйся, озарение огня Божественнаго.

Радуйся, скорбящим утешение и радосте.

Радуйся, слепым вождение и светлосте.

Радуйся, Михаиле, великий архистратиже, со всеми небесными силами.

Кондак 3

Силу свышше посли нам, Михаиле архангеле, почитающим образ страшнаго и страннаго видения твоего, небозарнаго и огненнаго. Просвещаеши бо верных сердца и попаляеши не вопиющих Богу: Аллилуиа.

Икос 3

Имать тебе мир весь заступника велика и дивна помощника в бранех. Сего ради поборника верным и скораго предстателя тя, святе Михаиле, чтем и в твоем торжестве дары ти приносим таковая:

Радуйся, Божиих исполнителю повелений.

Радуйся, мудрых изъявителю сведений.

Радуйся, врагов веры Христовы разрушителю.

Радуйся, прелестников естества нашего губителю.

Радуйся, яко ко Господу молишися за нас.

Радуйся, яко мучители отгоняеши от нас.

Радуйся, яко просвещаеши благочестивых помышления.

Радуйся, яко удаляеши похоти злобныя.

Радуйся, честь Бога Вышняго верно сохранивый.

Радуйся, гордыню вражию в бездне адской погрузивый.

Радуйся, имже сатана, яко молние с небес низвержеся.

Радуйся, имже хранимый род человеческий к небеси вознесеся.

Радуйся, Михаиле, великий архистратиже, со всеми небесными силами.

Кондак 4

Бури всякия избави нас, ангельский княже Михаиле, любовию и радостию пресветлое твое торжество совершающих; яко великий бо в бедах защитник и в час смерти от злых духов хранитель заступаеши всех вопиющих к Богу: Аллилуиа.

Икос 4

Слышаще и ведуще тя, яко солнце сияюща посреде Божественных ангел, пречудный Михаиле, небеснаго двора начальниче, к тебе по Бозе прибегаем, очисти, просвети и освяти всех вопиющих к тебе таковая:

Радуйся, света незаходимаго светило.

Радуйся, огня невещественнаго престоле.

Радуйся, скорбящим душам утешение.

Радуйся, труждающимся земным спасение.

Радуйся, вожде огненосный, ангелом радование.

Радуйся, вертограде богосадне, человеком красование.

Радуйся, асирианы умертививый странно образно

Радуйся, иудеяны наставивый преславно.

Радуйся, паче звезд светлейший.

Радуйся, светильниче златозарнейший.

Радуйся, врачу болезнем многим.

Радуйся, подателю разума буиим.

Радуйся, Михаиле, великий архистратиже, со всеми небесными силами.

Кондак 5

Боготочный источник чудес пресветлых, умножил еси в мире архангеле, начальниче огненных чинов, хотяй сохранити от лести земныя человеки, и всех обогатил еси богмудрым разумом, вопиющих: Аллилуиа.

Икос 5

Видеша сынове человечестии огнеобразную твою красоту, всю просвещающую тварь, архистратиже Михаиле, потщахуся песньми воспевати пресветлую славу твою зовуще к тебе таковая:

Радуйся, светлый Господень предстателю.

Радуйся, щедрый и скорый помощи подателю.

Радуйся, посетителю недугующих пречудный.

Радуйся, губителю бесом престрашный.

Радуйся, красото Церкве Христовы неизреченная.

Радуйся, миро пречестное благоухания Божия.

Радуйся, чудо чудес многославных.

Радуйся, даре дарований многожелаемых.

Радуйся, честное духовное сокровище.

Радуйся, светлое добродетелей приятелище.

Радуйся, славных страстотерпцев укрепителю.

Радуйся, честных иереев просветителю.

Радуйся, Михаиле, великий архистратиже, со всеми небесными силами.

Кондак 6

Проповедника тя Божественных судеб преславных егда узре Маное, исполнися страха, яко земен унывая и ужасен быв удивися: не разуме бо како безплотен пребываеши и с земными сочетаешися! Услышав же от тебе о зачатии Сампсоновом, радуяся возопи Богу: Аллилуиа.

Икос 6

Возсиявый пречудно, Михаиле воеводо, силы Господня Иисусу Навину, яко рекл еси: исзуй сапог с ногу твоею; ужасеся удивляясь зело и пад пред ногу твоею славяще тя вопия сице:

Радуйся, оружие державное царем благочестивым.

Радуйся, мужество крепкое воином благопослушливым.

Радуйся, правоверным на сопротивных побеждение.

Радуйся, одолевающим о Господе радование.

Радуйся, благочестия столпе необоримый.

Радуйся, Церкви светильниче неугасимый.

Радуйся, пророком славное похваление.

Радуйся, постником сладкое воздержание.

Радуйся, богатство странствующим нищим.

Радуйся, наставниче человеком блудящим.

Радуйся, каменю светлый и многоценный.

Радуйся, бисере предрагий небесный.

Радуйся, Михаиле, великий архистратиже, со всеми небесными силами.

Кондак 7

Хотя мир тишины мирныя, велика тя имать заступника, поборителя и столпа крепка. Яко же явленно есть Даниилу пророку, Михаиле, первый княже ангельский, ты бо соблюдаеши в мире царства благочестивыя и побеждаеши царей нечестивых: темже и мы, ведяще сия, радостно с тобою вопием Богу: Аллилуиа.

Икос 7

Новыя чудеса показа нам тобою на земли, всех чудес Творец и Владыка, архистратиже Михаиле: всякия бо силы бесовския отгоняеши и нам в бедах помогаеши. Сего ради благодарно приносим ти глаголы таковыя:

Радуйся, радости Божественныя явителю.

Радуйся, клятвы работныя губителю.

Радуйся, прославление святым и похваление.

Радуйся, сладости праведным устроение.

Радуйся, цвете богоукрашенный славы небесныя.

Радуйся, крине благоуханный чистаго обоняния.

Радуйся, яко укрепляеши мудростию благодушия.

Радуйся, яко просвещаеши светлостию благочестия.

Радуйся, земным ограждение и хранителю.

Радуйся, верным к небеси лествице изводителю.

Радуйся, имже обновляются дольняя.

Радуйся, имже покланяются горняя.

Радуйся, Михаиле, великий архистратиже, со всеми небесными силами.

Кондак 8

Странное видение твое Аввакум увиде, егоже несл еси всескорый ангеле Божий, от июдея в Вавилон, дати пищу Даниилу в рове со львы сидящему: темже удивлься превеликому твоему чудеси, возопи со верными ко Богу: Аллилуиа.

Икос 8

Весь еси крепкий в бранех наш хранитель, превеликий воеводо небесный Михаиле, слава царем и держава. Твоим бо заступлением верные побеждают вся вражия полки и к тебе согласно вопиют:

Радуйся, верних Божиих венчателю.

Радуйся, от грехов скорый восхитителю.

Радуйся, честный сосуде благодатнаго сокровения.

Радуйся, начальниче трисвятаго Божественнаго пения.

Радуйся, ограде рая Богом насажденнаго.

Радуйся, место благоприступное живота вечнаго.

Радуйся, яко возращаеши плод чистоты.

Радуйся, яко точиши источник премудрости.

Радуйся, садов насадителю безсмертных.

Радуйся, летораслей делателю нетленных.

Радуйся, имже угасеся пламень пещи вавилонския.

Радуйся, имже спасены быша отроцы благочестивыя.

Радуйся, Михаиле, великий архистратиже, со всеми небесными силами.

Кондак 9

Всякое естество человеческое удивися странному твоему, о, Михаиле, видению! Невещественный бо предстатель ты еси, всех огненных умов, ихже просвещаеши, нас же освящаеши вопиющих Богу: Аллилуиа.

Икос 9

Ветий всяких побеждающия глаголы, Михаиле, твоих огнеобразных устен в ушию Даниил приим и откровение будущих видений всечудное проразумев, удивися взывая преславно сице:

Радуйся, советов Божиих неизреченных откровителю.

Радуйся, тли первозданных разрушителю.

Радуйся, будущих разум изъявляяй.

Радуйся, находящия язвы удаляяй.

Радуйся, забрало и крепость благочестивых.

Радуйся, защитниче и твердость правоверных.

Радуйся, яко просвещаеши очи сердечныя.

Радуйся, яко омрачаеши помыслы злобныя.

Радуйся, краснаго пения любослышание.

Радуйся, души сладкое утешение.

Радуйся, Богом наставленный врачу душам и телом.

Радуйся, всем первоначальниче ангелом.

Радуйся, Михаиле, великий архистратиже, со всеми небесными силами.

Кондак 10

Спастися хотящих сохрани, святе, от всякия нужды к пресветлому твоему притекающих покрову и светоносное твое празднующих торжество, начальник бо ангелом Божиим, Михаиле, ты еси, и можеши в крепости помогати, с любовию поющим Богу: Аллилуиа.

Икос 10

Стена еси человеком, Михаиле архистратиже, и столп крепкий в бранех: твоим бо сильным заступлением побеждаются вражия полки, мы же спасаеми, вопием к тебе таковая:

Радуйся, земным сильный предстателю.

Радуйся, врагом чудный прогонителю.

Радуйся, противных гордость побеждаяй.

Радуйся, смиренным благодать от Бога подаваяй.

Радуйся, хлебом ангельским Израиля препитавый.

Радуйся, из камене воду источивый.

Радуйся, яко потоки чудес подаваеши.

Радуйся, яко просящим помощь подаваеши.

Радуйся, людем в законе наставителю.

Радуйся, престолу Божию служителю.

Радуйся, надеющимся на тя защищение.

Радуйся, всем притекающим заступление.

Радуйся, Михаиле, великий архистратиже, со всеми небесными силами.

Кондак 11

Пение всякое земное побеждается множеством чудес твоих. Повседневныя бо молитвы аще приносим ти, Михаиле святе, ни что же сотворяем достойно противу тем, в них же пособствуеши поющим Богу: Аллилуиа.

Икос 11

Светоносный Божий предстателю, Михаиле, страшным огненным чином первоначальниче, просвети и озари сердца наша, любовию приносящия ти моления гласы таковыми:

Радуйся, нищим и вдовам заступниче.

Радуйся, многим недоумеющим наставниче.

Радуйся, скорбящим радость и утешение.

Радуйся, путешествующим крайнее упование.

Радуйся, преславное врачевание благочестивым.

Радуйся, великое украшение верным.

Радуйся, яко плавающим правитель показался.

Радуйся, яко обуреваемым пристанище явися.

Радуйся, извождаяй от египетскаго пленения.

Радуйся, провождаяй к земле обетования.

Радуйся, покрове облакозрачный во дни осеняяй.

Радуйся, столпе огнеобразный в нощи просвещаяй.

Радуйся, Михаиле, великий архистратиже, со всеми небесными силами.

Кондак 12

Благодать от Бога с небесе подаждь твоим, святе Михаиле архангеле, песнословцем, яко столп бо огненый, верныя просвещаеши, попаляеши же не поющия о заступлении твоем Богу: Аллилуиа.

Икос 12

Поюще тебе земные, преславно просвещаются твоим светом, яко Божественный бо Владычний красный рай, Михаиле святе, благоухаеши и освящаеши вопиющих к тебе таковая:

Радуйся, светлая царствия высото.

Радуйся, честная пастырем красото.

Радуйся, славы Божия сохранниче верный.

Радуйся, богатства нетленнаго источниче обильный.

Радуйся, удивление ангелом и человеком.

Радуйся, прославление пророком и мучеником.

Радуйся, яко избавляеши от уз пленники.

Радуйся, яко побеждаеши верных сопротивники.

Радуйся, укрепляяй царей благочестивых.

Радуйся, защищаяй людей Христовых.

Радуйся, телес наших известное хранение.

Радуйся, душ наших на небо возношение.

Радуйся, Михаиле, великий архистратиже, со всеми небесными силами.

Кондак 13

О пречудный свете, Михаиле архистратиже, везде светимая небу красото, всех врагов наших видимых и невидимых отгонителю, приими нынешнее приношение и от всяких нас бед данною тебе от Бога силою избави и от вечнаго огня соблюди верно поющих Богу: Аллилуиа, Аллилуиа, Аллилуиа.

Сей Кондак читается трижды, затем Икос 1 и Кондак 1.

Тропарь первый Архангелу Михаилу

Востание благомудренно восприняв манованием лучшым, Михаиле, явился еси началовождь невещественных сил-ты бо видвев денницы поползновение, станем, взывал еси, добре Богу нашему. Архистратиже, Христа Бога моли даровати нам велию милость.

Тропарь второй Архангелу Михаилу

Яко облако красное осеняющее, Михаиле, чиноначальниче, твоему святому храму дождя обильно воду безсмертную-темже яко иной ковчег сохранил еси его, и потоков речных устремления направил еси далече, к веселию душ наших.

Кондак Архангелу Михаилу

Яко Троице предстоя, всесветлый, со всеми небесными чинми, и Божественное песнопение с ними возглашая, Михаиле, и землю Божественным мановением преходя, и чудесы величайшими удивляти не престаеши, моляся о всех нас.

Величание первое

Источник исцелений неоскудевающий твоему Божественному храму явил еси в Колоссаех, душ спасение и телес укрепление в сем совершая, Михаиле славне.

Величание второе

О видения твоего страшнаго, и доброте твоей огненной и Богоозаренной! Держиши скиптр, Михаиле, в руце твоей и поеши Троице песнь трисвятую.

 

 
Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2016

При использовании наших оригинальных материалов просим указывать ссылку:
Миссионерско-апологетический проект "К Истине" - www.k-иstиne.ru